Share on facebook
Share on twitter
Share on linkedin
Share on email

أسعار منتجاتك مرتفعة | كيف تتجنب اعتراض العميل على السعر

Facebooktwitterlinkedinmail

منتجى حلو جدا , جودته اعلى من السوق , بس سعره غالى

لما اعرض منتجى على العميل بيعجبه جدا و اول ما يعرف السعر يمشى

لو بتقابلك المشكلة دى ؟ شوف الحلقة دى عشان تعرف 4 طرق للتعامل معاها

كيف تتعامل مع اعتراض العميل على السعر

كتير فى مجال التسويق و المبيعات بيحسوا ان سعر منتجاتهم  اكبر عقبة فى طريقهم بس ده مش لازم يحصل

اولا تعالوا نتخلص من فكرة ان الناس بتروح للارخص دايما

و عشان اثبت لك مش هقارن حاجة اغلى بحاجة ارخص انا هقارن حاجة اغلى بحاجة ببلاش

لو معاك تمن كشف دكتور استشارى هتروح لمستشفى الحكومة ؟

لو معاك مصاريف مدرسة خاصة او انترناشيونال هتودى ولادك مدرسة الحكومة ؟

طب كام اسرة بتحوش من قوتها عشان تدفع لولادها مصاريف الدروس برغم ان المدرس فى المدرسة ببلاش

الاجابة معروفة  , ده معناه ايه ؟ معناه انك مش بتختار ارخص ما تستطيع الحصول عليه , انت بتختار افضل ا ما تستطيع ان تحصل عليه

و ده لان كلنا عارفين ان ببلاش مش معناه من غير تمن

يعنى مثلا المستشفى اللى ببلاش بتعرضك لمعاملة مش لطيفة تاخير ,طوابير ,فقدان خصوصية  و امكانيات مش مريحة يعن انت بتدفع التمن بس بطريقة تانية 

بل بالعكس  فيه نوع من الارتباط بين السعر و الجودة و عندنا مثل الغالى تمنه فيه

يعنى  الزبون ممكن يشترى الاغلى لان السعر الاعلى بيدى انطباع ان المنتج طالما اغلى هيكون افضل




 يبقى ننسى ان الزبون بيدور على الارخص عشان كده انا مش قادر ابيع
 

تعالى بقى نشوف ازاى نقدر نتغلب على مشكلة السعر دى باربع طرق

مين الزبون

من الحاجات اللطيفة ان كل زبون بيشترى بسعر مختلف على حسب هو مين مش المنتج ايه يعنى هيروح محل مختلف و يشترى نفس المنتج بسعر مختلف عشان هو مينفعش يعمل غير كده صورته الاجتماعية لا تسمح انه يشترى من السوق اللى فى الشارع او يشترى اللبس من محل مش براند

فأول حاجة لازم تغيرها هى فكرة ان زبونك كل الناس. كتير مننا بيحاول يبيع لاى حد و رغم ان ده فى ظاهره هيزود المبيعات الحقيقة عكس كده لان كل حد دى تشمل ناس معهاش تدفع السعر اللى انت عايزه فهتفاصل معاك او ناس مش محتاجة منتجك بدرجة كافية او مش مقدرة جودته بدرجة تبرر انها تشترى بالسعر اللى انت محدده

يبقى اول خطوة لازم تحدد مين عايز منتجك و مستعد يقدر  و يدفع تمنه و هو ده زبونك. انسى بقية الناس

مين البائع

الزبون بيقبل سعر مختلف من بائع مختلف على حسب

السمعة : دكتور او محامى او  مطعم الزبون بيستنى الحجز بالشهور و يدفع اضعاف التمن عشان السمعة

لو قدرت تكون صاحب السمعةدى المتخصص الخبرة المتميز اللى الناس بتروح له فى الحالة دى هتطلب سعر اكبر

الصورة :  هل المكان هاى كلاس و اللا شعبى 

المكان

نفس المنتج سعره بيختلف من مكان لمكان

 ستاربكس بتبيع لك القهوة بخمس او عشر اضعاف سعرها فى مكان تانى ليه ؟ عشان ستاربكس مش بتبيع قهوة بتبيع جو اكسبيرينس المكان

حتى فى الحاجات البسيطة زى الخضار السعر بيختلف بين السوق اللى فى الشارع و السوبرماركت و الزبون بيقبل ده

لا تقارن التفاح بالتفاح

مقولة مقارنة التفاح بالتفاح ابل تو  ابل مقصود منها توحيد المتغيرات قبل ما تقارن عشان المقارنة تكون عادلة

فاول ما الزبون يقدر يحط المنتجين جنب بعض و يلاقيهم متماثلين يبقى خلاص  حيحكم بالسعر

فلو منتجك مختلف

فى الجودة

فى الخامات

 فى التصنيع

التنوع

التوصيل

خدمة بعد البيع

الضمان

 هتخلص من المقارنة على اساس السعر بس

خلاصة الحلقة

لو فكرت بالطريقة دى هتعرف انها بتديك قدرة هائلة

لان التحكم بقى فى ايدك انت . سعر  السوق و المنافسين حاجة بره ايدك ماتقدرش تغيرها

 لكن الاربع طرق اللى قلناهم النهاردة فى ايدك انت

Facebooktwitterlinkedinmail

للمزيد أكتب بريدك الالكترونى

سوف أرسل لك معلومات وفيديوهات تساعدك على النجاح فى البزنس 

المزيد من الحلقات

كيف تختار سعر المنتج لزيادة الربح

كيف تختار سعر المنتج لزيادة الربح

أصدقاء كتير للقناة بيسألوا ازاى احدد سعر المنتج بتاعى؟طبعا الاصدقاء دول عندهم حق يسألوا عن موضوع تحديد السعر دهلان سعر منتجاتك من اهم العوامل اللى بتحدد مكسبك و اللى بناءا عليه قد ايه هتقدر تصرف على التسويقو قد ايه ممكن شغلك يكبر، و الغلط فى تحديد السعر واحد من الاسباب الرئيسية ورا فشل تجارات كتيرة

المزيد
لهذا يفشل اعلانك على الفيس بوك

لهذا يفشل اعلانك على الفيس بوك

من الشكاوى الشائعة جدا “عملت اعلان فيسبوك وماجابش نتيجة او فيه تفاعل كبير على الإعلان لكن مافيش بيع”“هي إعلانات فيسبوك مابقاش لها لازمة؟”طبعا فيه اكتر من سبب للشكوى دى لكن واحد من الأسباب المهمة هو أول خطوة في الإعلان، اختيار هدف خاطئ للحملة الاعلانيةعلشان كده في حلقة النهارده هاتكلم عن ازاى تختار الهدف الصح للحملة

المزيد
كتابة الخطة التسويقية بطريقة sostac

كتابة الخطة التسويقية بأسلوب sostac

• من الأسئلة الكتيرة اللى بتيجى لى أسئلة زى أنا عملت موقع تجارة الكترونية ومش شغال أو عندى صفحة على فيسبوك او انستجرام ممكن تشوفها وتقولى ممكن أحسنها ازاىأو أنا عملت منتج handmade أو استوردت منتج بس مش عارف أسوق له ازاى• ولما بسال الناس دى انت ليه اخترت المنتج ده او مين الزبون او

المزيد