أسهل طريقة لزيادة المبيعات | كيف تزيد مبيعاتك فى ثلاثة خطوات

Facebooktwitterlinkedinmail

افرض انك عايز تشترى سوبرماركت اتعرض عليك اختيارين

واحد بيضمن لك مليون جنيه فى الشهر

و التاني دخله قرش صاغ أول يوم و قرشين تانى يوم و اربعة تالت يوم يعنى الرقم بيتضرب فى اتنين كل يوم

تقبل اى واحد

 

قبل ما نقرر لازم نعرف المجموع فى كل حالة مش كده

تمام، الحالة الاولى سهلة هيكون معاك مليون جنيه اخر الشهر

لكن الحالة التانية محتاجة شوية حسابات عموما ما تخافش انا عملت لك الحسابات بنفسى

فى 30 يوم دخل  السوبر ماركت زاد من قرش صاغ لاكتر من 10 مليون جنيه

ايه علاقة ده بعنوان الحلقة

معظم الناس بتحاول تكبر البزنس بتاعها عن طريق الزيادة التدريجية 1+1+1

لكن افضل جدا انك تكبر البزنس عن طريق التضاعف بالضبط زى الحالة التانية حالة القرش صاغ

ندخل بقى فى الموضوع

 تفتكر فيه كام طريقة  علشان تكبر البزنس

طبعا التكتيكات كتير لكن الاسس ابسط مما تتخيل

 فكر فى مثلث

الضلع الاول هو عدد العملاء لو زودت عدد العملاء هتزود المبيعات و دى الحاجة اللى كل الناس بتركز عليها

الضلع التانى هو قيمة الطلبية و ده رغم انه اسهل لكن كتير بينسوه

ازاى تزيد قيمة الطلبية  

اولا زيادة السعر و ان كان ممكن يكون صعب شوية فى ظل المنافسة

لكن ممكن تعمل حاجات تانية اولا تعمل package من اكتر من حاجة فكر فى مطاعم الوجبات السريعة

كمان ممكن تبيع للعميل المنتج الاعلى premium

الضلع التالت هو كام مرة العميل بيشترى منك

اذا خليته يشترى بمعدل اكتر هتبيع اكتر ازاى لو انت دكتور اسنان اذا خليت العميل يتابع معاك كل 3 شهور احسن من كل 6 شهور

بالبساطة دى ايوه زيادة اى واحد هيكبر المبيعات و البزنس

لكن السحر بقى بيحصل لما تكبر التلاتة

تعالى نشوف الارقام

لو زودنا 10% بس و ده ممكن من غير زيادة التكلفة هتلاحظ ان الزيادة الاجمالية فى المبيعات

 33%

الخلاصة ببساطة علشان تزود مبيعاتك اشتغل على عدد العملاء و قيمة الطلبية و معدل تكرار الطلبيات

طبعا فيه تفاصيل كتيرة لزيادة كل ضلع و ده هيكون موضوع حلقات جاية


Facebooktwitterlinkedinmail

Similar Posts

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *