Share on facebook
Share on twitter
Share on linkedin
Share on email

احترف التسويق الالكترونى بالمحتوى

في مقال النهارده هنعرف ايه هو المحتوى وايه أهميتة  

وهنعرف ازاى المحتوى لازم يناسب العميل ويناسب المرحلة اللى العميل بيمر بيها ويساعد فى تحريك العميل من مرحلة للتانية في رحلته

ايه المحتوى وايه أهميته  

المحتوى مش بس المدونة أو البلوج ،المحتوى هو كل حاجة انت بتحطها على الانترنت سواء بلوج بوست أو سوشيال ميديا بوست أو فيديو أو بودكاست أو صفحات الأسعار  أو صفحات مواصفات المنتجات على المتجر الالكترونى

وأهمية المحتوى البديهية واللى مش عايزة شرح هي انك ببساطة كده من غير محتوى اللى بيبحث على جوجل مش هيلاقى حاجة عنك لأن موقعك هيكون فاضى وماحدش هيتابعك على السوشيال ميديا لأن متابعينك على السوشيال ميديا مش هيلاقوا حاجة يشيروها وايميلاتك مافيهاش أخبار جديدة واعلاناتك مجرد طلب الشراء

والأهمية التانية للمحتوى واللى هنركز عليها النهارده ان المحتوى هو اللى بيحرك وينقل  العميل من مرحلة للتانية في الرحلة من عميل لا يعرف عنك شيء الى عميل مخلص

وعلشان المحتوى يقدر يعمل كده لازم يكون

المحتوى المناسب في الوقت المناسب للشخص المناسب في المكان المناسب

المحتوى المناسب في الوقت المناسب يعنى المحتوى المناسب للمرحلة اللى العميل بيمر بيها في رحلته  

المحتوىالمناسب للعميل المناسب يعنى هتعمل المحتوى لمين يعنى مين القسم أو شريحة العملاء

المحتوىالمناسب في المكان المناسب يعنى في أي مكان على حسب العميل بيتواجد فين  

المحتوى المناسب للوقت المناسب

في مقال رحلة العميل اتكلمنا بالتفصيل عن الرحلة وقلنا انه بيمر بسبع مراحل

لكن من حيث تخطيط المحتوى ممكن نبسط المهمة ونعتبر ان عندنا تلات مراحل همه مراحل القمع التسويقى 

القمع التسويقى بيقول ان العميل بيمر بتلات مراحل :الأولى المعرفة والتانية التقييم والتالتة التحول او الشراء

وهتلاحظ بعض المراحل المشتركة بين القمع التسويقى وبين رحلة العميل اللى اتكلمنا عنها في المقالة الماضية

وده طبيعى لأن مافيش تعارض بينهم ، الاتنين طريقتين لتخطيط تفاعلك وتواصلك مع العملاء بس القمع بيلخص الموضوع في 3 خطوات والرحلة بتبص لتفاصيل أكتر أو نقط التلامس بين العميل وبين منتجك او شركتك

فالمحتوى بتاعك لازم يناسب احتياجات العميل في كل مرحلة من مراحل القمع

القمع التسويقى

المعرفة: قمة القمع

العملاء الداخلين من قمة القمع مش عارفين الحل اللى بتقدمه وممكن كمان يكونوا مش حاسين بالمشكلة بتاعتهم أو مش حاسينها لدرجة تحفزهم للبحث عن حل

بالتالى نوع المحتوى المناسب للمرحلة دى هو محتوى مجانى وتعليمى لأنه مش مستعد يديك بياناته حتى علشان يشوف المحتوى

سواء بلوج بوست او سوشيال ميديا بوست او فيديو

هدف قمة القمع هو جعل العميل يحس بمشكلته ويعرف ان فيه حل

للأسف كتير من المسوقين بيبدأوا وينتهوا بالمرحلة دى يعنى مش بيحاولوا ينقلوا العميل لمرحلة التقييم والتحول

التقييم: منتصف القمع

الهدف تحويل العميل الواعى بمشكلته او بوجود الحل الى من خلال مغناطيس

lead magnet  

لأن العميل بيفكر يشترى فهدفك تاخد بياناته علشان تتابع معاه لغاية ما يشترى

المغناطيس ممكن يكون معلومات أو تقرير أو فورم جاهزة وكمان بتساعده يختار من خلال المقارنات

وفى نفس الوقت بتديه فرصه يقيم منتجك ممكن بتجربة مجانية سوفتوير تجريبى كوبون خصم  

لكن العملاء المحتملين فى المرحلة دى لسه مش بيدفعوا فلوس فلازم تحولهم لمشترين وده اللى المحتوى في قاع القمع هيعمله

التحول: قاع  القمع

الهدف في قاع القمع  تحويل العميل المحتمل الى  مشترى  

لأن ممكن العميل يقرأ المحتوى التعليمى في قمة القمع وينزل المغناطيس  في منتصف القمع  ويعطيك بياناته لكن لازم الخطوة الأخيرة لاقناعه بالشراء

المحتوى اللى بيساعد في تحول العميل في المرحلة دى ممكن يكون بيان او قصص نجاح عملاء سابقين أو مقارنات بين منتجك والمنافسين

هنا برضه ممكن تعطيه تجربة مجانية علشان يتخلص من التردد ويجرب وبعدها يشترى

فيه مفهومين مهمين للاستفادة من القمع التسويقى

-توقع نية العميل

سر النجاح في تسويق المحتوى هو فهم نية العميل الحالية وتوقع نيته القادمة  وتقديم المحتوىالمناسب حسب نيته

هاوضح لك مثلا عميل بيفكر يشترى فريشبوكس متوقع انه يقارن بينك وبين  كويكبوكس وزيرو (كل دى سوفتويرز محاسبية) فلو فهمت نيته العميل دى وقدمت له المقارنات دى هتسرع التحول

يعنى اكتب قوائم بنوايا العميل في كل مرحلة

وبناءا على التوقع ده

مهد له الطريق للمرحلة التالية

الناس مش فاضية تدور على الخطوة التالية يعنى العميل مش هيقعد يدور في موقعك يروح فين بعد ما قرا المحتوى بتاع المرحلة دى

دورك انت تاخد ايده وتوريه هيعمل ايه بعد الخطوة دى علشان ينقل للخطوة اللى بعدها

حط الزر اللى مفروض يضغطه او اللنك وقل له بوضوح اضغط الزر ده وابدأ التجربة المجانية

 

دايما حرك العميل للأمام

دايما حرك العميل لقاع القمع

كل قطعة من المحتوى الهدف منها نقل العميل للمرحلة التالية مش الرجوع للخلف

يعنى لو العميل وصل لصفحة الأسعار ما تعرضش عليه بلوج بوست عن طريقة عمل البرنامج انما ممكن تعرض عليه تجربة مجانية  

يعنى بتحاول تقنعه ياخد خطوة للأمام ويشترى

يبقى دى أول حاجة المحتوى المناسب للوقت المناسب

تانى حاجة

المحتوى المناسب للعميل المناسب

 هنقسمها لحاجتين أولا المحتوى المناسب لاهتمام العميل

وثانيا للشريحة السوقية للعميل

بالنسبة لاهتمام العميل

 لما العميل يقرأ ويشوف المحتوى المتعلق بموضوع معين أو منتج معين ده بيعرفك هو مهتم بايه وساعتها تقدر تقسم العملاء بناءا على المحتوى اللى كل واحد اهتم بيه

يعنى أنا مثلا عندى مقالات عن البيع ومقالات عن التسويق على موقعى

العميل اللى قرأ مقالات البيع عرفت انه مهتم بالبيع والعميل اللى قرا مقالات التسويق عرفت انه مهتم بالتسويق

بعد كده أقدر أتابع معاه من خلال إعادة الاستهداف

retargeting  

ببساطة إعادة الاستهداف هي تكنولوجيا بتعرف العميل زار ايه وبعدين تبعت للعميل ده محتوى او اعلان او عرض مناسب للحاجة اللى زارها

وانت اكيد شوفت إعلانات كتير معمولة بالطريقة دى يعنى تكون دخلت سوق دوت كوم تبحث عن الأحذية الرياضية وبعدين تروح الفيسبوك فتلاقى سبحان الله اعلان من سوق  بنفس الصور اللى كنت بتتفرج عليها

ده شغل إعادة الاستهداف 

أما بالنسبة للشريحة السوقية

المحتوى المناسب لقسم العملاء المناسب

مش كل العملاء يهمهم المحتوى زى بعض فاعمل أفاتار   avatarلكل قسم من العملاء واكتب محتوى مناسب لهم

مثلا حلقة النهارده ممكن تهم أكتر من قسم، صاحب الشركة الصغيرة عايز يعرف ازاى يستعمل التسويق الالكترونى في تسويق منتجاته وممكن affiliate marketer مسوق بالعمولة عايز يسوق للعملاء بتوعه فالمحتوى لازم يتوجه بالشكل المناسب لكل واحد فصاحب الشركة هتقول له حاجة زى زود مبيعاتك بتقديم المحتوى المناسب للعملاء و المسوق بالعمولة  هتقول له كبر عمولاتك  بعمل خطة محتوى جيدة

المحتوى المناسب في المكان المناسب

تواجد حيث يتواجد عملاؤك

وأخيرا كل عميل بيفضل قناة مختلفة فيه ناس متابعة اليوتيوب وناس على الفيس او انستجرام او لنكد ان مهم  تحط المحتوى في القنوات اللى انت عارف العميل بتاعك موجود فيها  

 

للمزيد أكتب بريدك الالكترونى

سوف أرسل لك معلومات وفيديوهات تساعدك على النجاح فى البزنس 

المزيد من الحلقات

سبعة طرق للترويج لمشروعك بواسطة صفحة فيسبوك

تعرف انك ممكن تروج للبزنس بتاعك سواء كان اونلاين او اوفلاين من داخل صفحة الفيسبوك ومن غير ما تستخدم  Ads manager في بوست النهارده هاقول لك على 7 طرق تقدر تعمل بيها ترويج للبزنس مباشرة من داخل الصفحة وهاقول لك امتى تستخدم كل طريقة وفيهم طريقة ممكن تساعدك في حل مشكلة السعر انبوكس فيه طريقين

المزيد

ابدأ رحلتك مع التسويق الالكترونى بفهم رحلة العميل

ينفع تقابل واحدة ما تعرفش عنها أي حاجة ولا هي تعرف عنك أي حاجة ومباشرة أو خبط لزق تطلب منها الجواز؟ غالبا لأ ولو انت عملت كده فهى غالبا هترفض ويمكن تشك في قواك العقلية ايه علاقة ده بالتسويق الالكترونى  وعنوان مقال النهارده  كمل  قراءة علشان تعرف واحد من المفاهيم المهمة جدا في التسويق الالكترونى

المزيد

كيف أبدأ التسويق الالكترونى

زى ما اتعودتوا أنا باحب أبسط المعلومة وأعرضها بشكل عملى وعشان كده احب أبدأ بالتأكيد على مفهوم مهم جدا ان التسويق الالكترونى هو تسويق قبل ما يكون الكترونى يعنى ايه يعنى لو ركزت على التسويق , لو فهمت مبادئ التسويق والتزمت بيها ده هو الأساس اللى هيساعدك تنجح في التسويق الالكترونى لكن لو شغلت نفسك

المزيد