|

دراسة الجدوى- لا تبدأ مشروعك بدونها

Facebooktwitterlinkedinmail

حلقة  النهاردة تهمك لو بتفكر تعمل مشروع تجارى أو صناعى أو خدمى
حلقة  النهاردة تهمك لو عندك شركة او مشروع وبتفكر  بالتوسع من خلال اضافة منتج او فرع
حلقتنا عن دراسة الجدوى

يعنى ايه دراسة الجدوى و ايه اهميتها ؟

 

دراسة الجدوى هى مجموعة من التحليلات بتعملها علشان  تاخد القرار الصح  أعمل المشروع ده واللا لأ
و بناءا عليه تبدا المشروع المتوقع له النجاح و تتجنب تضييع الوقت والمجهود على مشروع قد يؤدى للخسارة
دراسة الجدوى بتحقق ده من خلال انها بتجاوب على سؤالين

هل المشروع قابل للتنفيذ :هل لدينا الامكانيات المالية والبشرية و التقنية
هل المشروع مربح يعنى هل المشروع  هيعطينا عائد على فلوسنا اللى دفعناها بمعنى اخر المشروع مجدى ومن هنا جه الاسم 

 

 

دراسة الجدوى تتكون من 4 أجزاء

دراسة الجدوى التسويقية

الخطوة المنطقية الأولى هى هل فيه سوق ؟
هل المنتج مطلوب؟
ايه حجم السوق ؟
السوق ينمو ام ينقص؟

يعنى ايه الاحتياجات اللى فى المنطقة وازاى ممكن تخدم عليها

مثلا: هل الحى محتاج سوبرماركت او عيادة أو ورشة أو دراى كلين

ادرس  الفرص اللى بتفتحها لك المجالات المختلفة

 يعنى لو فيه جامعة ممكن تفتح  محل تصوير مستندات او مطعم  وجبات سريعة او كوفى شوب

لاحظ لو فيه مشكلة محتاجة لحل

ممكن تلاقى الناس بتروح  مخصوص لهايبر علشان منتج معين فتعمل محل اقرب تبيع فيه المنتج ده و  توفر على الناس المشوار 

ادرس تركيبة المنطقة السكانية

لو هتعمل حضانة عايز  منطقة شباب او عرسان جداد يعنى الاطفال اكتر
لو مطعم فايف ستارز يبقى لازم المستوى المادى يكون مرتفع
مش بس كده انت ممكن تعمل نفس المشروع بس بطريقة مختلفة على حسب المنطقة يعنى  محل فى مكان راقى هيعرض اجهزة مختلفة عن محل فى مكان شعبى  او سوبرماركت فى منطقة راقية هيبيع منتجات مختلفة عن المنطقة المتوسطة
طبعا النهاردة مع سهولة الانتقال ممكن تعريف السوق يتغير يعنى زمان كانت الناس بتمشى للمحل و الفرن النهارده بتروح بالعربية فالنطاق اللى هتعتبره سوقك كبر شوية
كمان مع وجود وسائل التسويق الالكترونى تعريف السوق اتغير أكتر و بقى مكن تفكر على مستوى بلدك او بره البلد فساعتها هتحتاج تدرس العرض والطلب على نطاق اكبر

من مكونات سياستك التسويقية 

سياسة الأسعار

هل هتكون أسعارك مماثلة واللا أعلى أو أقل من المنافسين ده بيعتمد على جودة منتجك و الصورة اللى عايز تعملها لنفسك فى السوق

قنوات التوزيع

افضل الطرق لتوصيل منتجى للعملاء

وطبعا مافيش دراسة سوق كاملة من غير دراسة

 المنافسة

مين غيرك بيقدم نفس المنتج أو الخدمة فى السوق ايه مزاياهم وايه نقاط الضعف عندهم و ازاى ممكن تقدم عرض أفضل منهم

ممكن تسأل هاعرف منين كل المعلومات دى عن السوق و المنافسين

النهاردة ده بقى أسهل ما يمكن
 المعلومات المنشورة على  الانترنت خلت كل حاجة عند اطراف اصابعك على بعد كليكاية
و الحاجة التانية اللى تقدر تعملها انك تسأل بنفسك انزل السوق وقابل الناس واسألهم عن المنتج او الخدمة اللى بيستخدموها وليه
و روح شوف المنافسين وادرس شغالين ازاى و بيقدموا ايه و ايه اللى بيميزهم  ومستوى الاقبال عليهم

دراسة الجدوى التشغيلية او الفنية

الموقع

هتحتاج منطقة زراعية لو مشروعك زراعى و منطقة صناعية لو مشروعك صناعى
لو عامل مكتب تصوير هتحتاج تكون جانب جامعة
تكلفة الموقع حسب ايجار او تمليك
شكل المكان مناسب للنشاط واللا لا

التجهيزات و المعدات

سيارات
محل أو مصنع أو مزرعة أو مخزن 
الاجهزة
امكانيات تكنولوجية معينة
مثلا عيادة اشعة
أو ورشة صيانة سيارات
أو سوبرماركت سيستم بيع

التكنولوجيا

سوفت وير   برامج 

الطاقة الانتاجية

كام موظف كام جهاز  ده بيحدده امكانياتك و امكانيات السوق يعنى ممكن السوق يكون عايز كتير لكن امكانياتك قليلة ابدا على قدك واكبر بعدين
 وممكن يكون معاك فلوس لكن السوق محدود فاعمل اللى يناسب السوق و افتح  اكتر من فرع فى اكتر من مكان

 

طرق الانتاج

التقنية المستخدمة
عمالة كتيرة و تكنولوجى بسيطة التغليف والتعبئة
العكس اجهزة غالية وعمالة اقل

العمالة او الموارد البشرية

مؤهلاتهم خبراتهم مهاراتهم
عمالة ثابتة واللا مؤقتة والل فريلانس

التكلفة الاجمالية

ثابتة
متغيرة

دراسة الجدوى المالية

التمويل شخصى ام قرض ام شركاء
التكلفة الشهرية و السنوية ثابتة ومتغيرة
الايرادات المتوقعة

 العائد الاقتصادى للمشروع

فى البداية بتحسب الربح و الخسارة للمشروع
و بعدين تقرر هل الربح الناتج عن المشروع ده يستاهل ادارة المشروع و المخاطرة
فيه طرق حسابية متخصصة لكن هاقول لك على طريقة  بساط تديك مؤشر  عن اذا كان المشروع مناسب واللا لأ
اسأل البنك لو حطيت فلوسى فى وديعة الربح هيكون قد ايه
لو مشروعك مش حيديك أحسن من الوديعة  يبقى أحسن انك تشترى وديعة بالفلوس بدل قلق ادارة المشروع و مخاطرة احتمال الخسارة  

دراسة الجدوى القانونية

العلامات التجارية
حقوق الملكية
تراخيص مزاولة المهنة
قوانين الخارج
هل ممكن فتح ورشة فى منطقة سكنية

البيئة والسلامة

يعنى مشروعك هل له تأثير على البيئة و عايز تصاريح من وزارة البيئة
وهل له اجراءات أمن وسلامة خاصة لازم اتخاذها