سبعة طرق للترويج لمشروعك بواسطة صفحة فيسبوك

Facebooktwitterlinkedinmail

تعرف انك ممكن تروج للبزنس بتاعك سواء كان اونلاين او اوفلاين من داخل صفحة الفيسبوك ومن غير ما تستخدم 

Ads manager

في بوست النهارده هاقول لك على 7 طرق تقدر تعمل بيها ترويج للبزنس مباشرة من داخل الصفحة وهاقول لك امتى تستخدم كل طريقة

وفيهم طريقة ممكن تساعدك في حل مشكلة السعر انبوكس

فيه طريقين لعمل الإعلانات والترويج في الفيسبوك

الطريقة الأولى والأسهل هي الترويج من داخل الصفحة مباشرة

والطريقة التانية من داخل مدير اعلانات فيسبوك

استخدام مدير اعلانات فيسبوك يعطيك قدر أكبر من التحكم في الإعلان و السوق المستهدفة وهنتكلم عنه ان شاء الله في حلقات قادمة

لكن الميزة الأساسية للترويج من داخل الصفحة  واللى خلتنى ابدأ بالكلام عنه  ان خطواته سهلة وانك مش محتاج تكون خبير تسويق الكترونى علشان تعمله 

وبالإضافة لموضوع السهولة  فيه 6 اهداف أساسية تقدر تحققها من الترويج من خلال الصفحة

زيادة المتابعين للصفحة

زيادة معرفة العملاء بمنتجاتك وخدماتك

تشجع العملاء يشتروا منتجاتك وخدماتك

leads الحصول على ليدز 

وعملاء جداد

زيادة مبيعاتك اونلاين

زيادة مبيعاتك اوفلاين

يلا نبدأ بال7 طرق

الطرق موجودة داخل 3 أماكن فى الصفحة

زر الكول تو أكشن وزر ترويج الصفحة وزر ترويج البوست 

خلينا نبدأ بزر تعزيز المنشور 

boost post 

وده الهدف منه ان المنشور بتاعك يوصل لعدد اكبر ويعمل تفاعل اكتر لأن مع الأسف دلوقت نسبة منشوراتك اللى هتوصل للمتابعين من غير ترويج قليلة جدا

البوست المعزز مش بيختلف عن البوست العادى الا في كلمة سبونسورد

sponsored 

  اللى بتشوفها جنب اسم الصفحة المعلنة

 

المكان التانى هو زر الترويج الصفحة بنلاقى فيه معظم الاختيارات التانية

تعزيز المنشور

 boost post

 

ترويج حدث أو تعزيز حدث

 event  boost

وده الهدف منه ان الافنت بتاعك يوصل لعدد اكبر وتبيع تذاكر اكتر

علشان تعمل ترويج لحدث أو افنت لازم في البداية تكون عملت افنت

الترويج للصفحة

وده الهدف منه تعمل عدد اكبر من اللايك والشير والكومنت او التعليقات

الترويج لمحل  

وده الهدف منه تشجيع العملاء يزوروا محلك أو موقع الشركة

زيادة زوار موقعك الالكترونى  

وده الهدف منه واضح انك تبعت زوار أكتر لموقعك الالكترونى

الحصول على بيانات العملاء 

leads 

وده الهدف منه انك تاخد بيانات العملاء زى العنوان والتليفون والايميل علشان تتصل بيهم بعد كده

والطريقة دى ممكن تحل مشكلة السعر انبوكس لأنك من خلال الطريقة دى بتطلب من العملاء بياناتهم وبعدين تبعت لهم المعلومات اللى انت عايزها سواء على الايميل او التليفون

المكان التالت هو زر

call to action 

دى الطريقة السابعة للترويج

و الهدف من زر الكول تو أكشن هو تشجيع الزوار يعملوا أكشن معين يخدم أهدافك من الصفحة

  والأهداف دى كتير زى ما انت شايف فى الصورة 

 

 

وعلشان تحدد انت عايز الزر يعمل ايه اضغط 

edit button

واختار الوظيفة اللى انت عايزها حسب هدفك

ساعتها زوار الصفحة هيشوفوا الكول دى على الزر  

المهم علشان تعرف تستفيد من الاختيارات دى  انك تعرف كل نوع من الإعلانات دى بيحقق لك أي هدف وتستخدم الأنواع اللى بتخدم الهدف ده

الأهداف اللى ممكن تحققها والاعلانات اللى ممكن تساعدك

زيادة المتابعين للصفحة: من خلال ترويج الصفحة أو تعزيز بوست

زيادة معرفة العملاء بمنتجاتك وخدماتك: من خلال ترويج الصفحة أو تعزيز بوست وكمان ترويج افنت و محل

تشجع العملاء يشتروا منتجاتك وخدماتك: بوست وافنت و كول تو اكشن و محل وموقع  وبسايت

الحصول على ليدز وعملاء جداد: بيانات العملاء وزيارات المحل وكول تو اكشن

زيادة مبيعاتك اونلاين: زيارة الموقع

زيادة مبيعاتك اوفلاين: ترويج المحل

خلاصة الموضوع

انك تقدر تعمل الترويج بنفسك

وانك تقدر تعمل الترويج من الصفحة مباشرة

وان عندك أكتر من وسيلة وتقدر تحقق بيهم أكتر من هدف

Facebooktwitterlinkedinmail

Similar Posts

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *