|

ضاعف مبيعاتك باستخدام هذه الأسئلة

Facebooktwitterlinkedinmail

اللى بيسأل هو اللى بيتحكم فى المناقشة

وفى مجال المبيعات تحكمك فى اتجاه المناقشة بيعطيك فرصة توجه المقابلة الاتجاه الصحيح

فى حلقة النهاردة هنتعرف على 4 أنواع من الاسئلة اللى تخليك تتحكم أكتر فى مقابلاتك و تساعدك تقفل عدد اكبر من الصفقات 

التأكيد

أسئلة التثبيت أو التأكيد هى أسئلة فى نهاية أو بداية جملة بتشجع المشترى اما يوافقك و اما يقول لك لو عنده اعتراض

 

قبل ما نشوف الأنواع التلاتة لأسئلة التأكيد خلينا نعرف

 فوايدها و أهميتها لنجاحك فى البيع

بتعود المشترى يقول أه او يوافقك اكتر من مرة و ده بيخلى الموافقة النهائية على الشراء اسهل يعنى الموافقات الصغيرة المتكررة هى اللى بتمهد للموافقه الكبيرة النهائية

بتخلى المشترى مركز معاك و مايسرحش لأنك لما تسأله كل شويه هيحتاج يركز فى اللى بتقوله عشان يجاوبك

التركيز على النقاطك المهمة فى المقابلة

قبل ما تنقل لنقطة جديدة عشان تضمن الموافقة على النقطة السابقة الاول

قبل طلب الشراء ممكن تسأل اسئلة التأكيد و تختم بطلب الصفقة

 

تعالى نشوف الانواع الثلاثة و أمثلة عليها

نهاية الجملة

الطابعة دى اسرع 50% . السرعة مهمة لك مش كده؟

العربية دى بتستهلك بنزين 30% أقل انت موافقنى فى اهمية تقليل استهلاك البنزين دلوقتى؟

هامش الربح مهم  انت معايا ؟

السلامة اولا مش كده؟

بداية الجملة

ممكن تسال سؤال التثبيت الاول

ERPمعايا فى ان كل الشركات الحديثة بتستخدم الاى ار بى  

 outsource مش اوفر لك انك تاوتسورس الاى تى ؟

موافقنى ان امن الاسرة اهم حاجة ؟

مفصلة

مفصلة على المشترى يعنى بدل ماتتكلم عن فكرة مطلقة زى التنفيذ السريع مهم للجميع

 لو انت عارف ان عنده افتتاح الشهر القادم ممكن تقول تنفيذ الشبكة بسرعة هيساعدك تلتزم بموعد الافتتاح ده مهم بالنسبة لك مش كده؟

الخيار البديل

اعطى المشترى خيارين كل واحد منهم بيساعدك تتم الصفقة

هتاخد طابعة500  ورقة فى الدقيقة واللا 600

العربية الفضى واللا الذهبى

سبب نجاح الاسلوب ده انه بيدى المشترى احساس انه صاحب القرار و انك مش بتفرض عليه اختيار واحد

قانون الاحتمالات كمان بيقول الاسلوب ده بيعطيك فرص اكبر تقفل الصفقة

الاختيار الواحد بيديك 50% انك تقفل و50% للرفض 

لكن الخيارين بيديك ثلثين مقابل ثلث فى حالة الرفض

ملحوظة :اعطاء اكتر من خيارين هيخليه يفكر وممكن ما يخدش قرار

ملحوظة: اضافية خلى الاختيار اللى بتفضله التانى

البنج بونج

بترد على السؤال بسؤال

لما يسأل  الفيلا كام غرفة اسأل هو عايز كام غرفة بدل ماتقول عندنا 4 غرف ويكون هو عايز خمسة فيقفل السكة لكن لما تعرف منه الأول ممكن تعرض عليه اختيارات تانية

لما المشترى يسأل النوع ده متوافر باللون الأخضر

اسأله انت هتشترى اللون الأخضر

لو أه يبقى اشترى لو لأ يبقى ماتعرضش عليه اللون الأخضر

لما يسأل ايه الألوان المتاحة اسأل ايه اللون اللى انت عايزه

لما يسأل عن المقاسات اسأله عن المقاس اللى بيدور عليه

لما يسأل بكام اسأله عن ميزانيته

 

افتراض الشراء

اسأل اسئلة بتفترض انه اشترى فعلا

لو جاوب بالايجاب ده بيؤكد رغبته فى الشراء

هتشيل البضاعة فى عربيتك واللا اطلب لك تيم التوصيل و التركيب

 

جرب الأسئلة دى و اتدرب عليها مع زميل  قبل ما تبدأ فى تنفيذها مع العملاء

 

Facebooktwitterlinkedinmail

Similar Posts

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *