طرق زيادة مبيعات محل

بيوصل لى أسئلة كتير بخصوص التسويق لمحل أو زيادة مبيعات المحل
الحلقة دى مخصوص للرد على الاسئلة دى و عرض برنامج متكامل من 4 خطوات للتسويق لمحلك وزيادة مبيعاته

مشكلة كتير من اصحاب المحلات انهم بيفكروا فى تكتيكات متفرقة من غير برنامج، من غير خطة متكاملة تربطهم ببعض
النهاردة هنقدم العكس: هنقدم برنامج متكامل من 4 خطوات ومن غير اسهاب كبير فى التكتيكات
عشان لو قدرت تنظم افكارك وتعرف كل تكتيك مكانه ايه فى خطتك و فى علاقتك بالزبون هتلاقى الموضوع بسيط و كمان هتقدر تضيف للافكار دى بنفسك

التكتيكات التسويقية تنقسم لاربع مجموعات كل مجموعة بتستهدف العميل في مرحلة معينة

الخطوة الاولى هى جذب عملاء جدد للمحل

هدف أول خطوة هى وجود امداد مستمر من الزباين يعنى لازم تضيف زباين باستمرار عشان تكبر تجارتك و كمان تعوض الزباين اللى هتفقدهم وده جزءطبيعى من حياة أى بزنس
هاتكلم عن 5 تكتيكات ممكن تحقق بيهم الهدف ده :

تبادل الزبائن

تتفق مع محلات حولك مش منافسة ليك انت تبعت لهم زباين وهم يبعتوا لك , يعنى لو انت محل ملابس ممكن تبعت زباينك لمحل الأحذية و هو يبعت لك زباينه
كل اللى هتحتاجه زيارة لمحله و ياريت تاخد معاك حاجة حلوة يمكن شوية كوكيز او دونتس و تتعرف عليهم و تسيب لهم بروشورز عن محلك يدوها لزباينهم

برنامج للتوصية

يعنى تخلى زبونك الحالى يبعت لك او يوصى بيك او يحول لك زباين تانية
لازم تكافىء الاتنين اللى حول و اللى جاء ليك
بتعمل كده عن طريق فورم تخلى الزبون يملاها بعد الشراء أو تحطها فى الشنطة يملاها و يبعتها أو يديها لحد هو حابب يبعته ليك
طب اللى حول تبعت له شهادة نقدية بالبريد او تبعتله رسالة ان له هديه عند زيارته القادمة
ممكن تطبيق نفس الفكرة مع فيسبوك : الزبون يعمل منشن لصديق و الصديق ييجى لك بالمنشن ده

شهادة نقدية

بيقابلكم الناس اللى بترمى كروت ورش الصيانة فى عربياتكم فى الاشارة
بتحتفظوا بيها ؟ انا مش بحتفظ بيها
تفتكر لو فى الكارت ده 50 جنيه من قيمة صيانتك الجاية فى الورشة دى
لو فتحت محل جديد و بعت كروت للمنازل حواليك بس بدل ما الكرت بس بيعرفهم بالمحل كان قيمته 10 جنيه من أول شراء
لاحظ قيمة الشهادة لازم تتناسب مع قيمة متوسط البيعة يعنى لو متوسط البيعة الف جنيه مش هينفع يكون الشهادة عشرة جنيه
عموما خلى قيمة الشهادة 25-50% من متوسط البيعه
تحذير ماتحددش قيمة الشراء اللى تستعمل معاها الشهادة لأن ده بيحولها لخصم و الزبون مش هيفرح بيها و هيحسب نسبة الخصم و تفقد قيمتها
احب اقول ان الهدف من الشهادة تجربة محلك هى نوع من الدعاية المدفوعة طبعا معظم الدعاية لها مقابل مادى
و زى ما قلت هى مختلفة عن الخصم
-ممكن تطبيق ده على فيسبوك
تعمل اعلان لايك للصفحة
تبعت الشهادة دى على مسنجر للى عملوا لايك

الموقع الالكترونى

النهاردة الزبون بيسأل على الموقع الالكترونى قبل ما يسأل على عنوانك فمهم يكون عندك موقع الكترونى محترم فيه عرض جيد لمنتجاتك و معلومات كافية عن محلك

فيسبوك

يمكن اهم من الوبسايت و سهل جدا تعمل صفحة لمحلك على فيسبوك
اعمل اعلانات فيسبوك

الخطوة التانية تحويل زبون اول مرة لعميل يستمر معك

دى خطوة مهمة جدا. تخيل كل زبون يشترى يرجع لك تانى و يستمر معاك على طول حجم تجارتك خلال سنة واحدة ممكن يوصل لايه
ازاى تحقق ده

1. خلى زيارته الاولى تجربة حلوة : النضافة المعاملة عرض البضاعة وجود متكامل للمنتجات
2. خد بياناته: تليفون، عنوان ايميل , الحقيقة محلات كتير ابتدت تعمل ده لكن اللى مش بيعملوه بقى هو
3. التواصل المستمر بعد الشراء مباشرة
    ابعت له رسالة اشكره و عبر عن سعادتك بأنه زبون
    ابعت له تهنئة بعيد ميلاده ابعت له رسايل بالعروض بتاعتك
    ابعت له على فيسبوك timeline او مسنجر لو هو م لصتابع فحتك
    نشرة دورية newsletter

الخطوة التالتة تخلى الزبون يشترى اكتر من مرة

الترويج promotion

تصفيات

سيزون

مش شرط البروموشن تكون تخفيضات

ممكن دروس طبخ

Free makeup makeover

دروس فاشون

اعياد ميلاد المشاهير

حفلات المناسبات و الاعياد

مسابقات

برنامج الولاء

تصلح مع محلات الملابس و الكوفى شوب والمكتبات
 طريقة بسيطة ومش محتاجة سوفتوير انك تدى الزبون كارت و كل زيارة يتكتب على الكارت المبلغ اللى صرفه و لما يوصل لرقم معين تديه gift certificate بطاقة هدية
 الطريقة التانية اشترى عشرة وخد واحدة مجانا لو بتبيع صنف محدد مثلا كوفى شوب بعد كل 10 طلبات مشروب مجانى

شنطة البيع

بروشور , معلومات, وصفات الخ
ارجع تانى : هدية عرض على تكملة للمشتروات يعنى اشترت عباية حطلها عرض على الطرحة للزيارة الجاية

فيسبوك

التسويق بالبريد الالكترونى

خلى موقعك مرجع

نصايح مقالات لنكات لمواقع تهم زباينك

الخطوة الرابعة تخلى الزبون يشترى بمبلغ أكبر كل زيارة

حزمة package 3+1
Bundel حاجات تكمل بعض