|

كيف تقنع الزبون بالشراء| عملاؤك لا يهتمون بمواصفات منتجك

Facebooktwitterlinkedinmail

 

 هتصدقنى لو قلت لك ان الزبون او العميل ما يهموش مواصفات المنتج بتاعك او الخدمة بتاعتك

اه والله زى مابقولك كده

امال ايه اللى يهمه؟

يهمه منتجك او الخدمة بتاعتك هتعمل له ايه , هتحل مشاكله ازاى , هتساعدة يوصل للى عايزه ازاى

 

و ايه الفرق؟

الفرق هو الفرق بين المواصفات و المزايا

يعنى ايه؟

خلينى أوضح لك بكام مثل  

 لما البياع فى معرض السيارات يقول لى ان من مواصفات  العربية دى  ان محركها 200 حصان   هقول له و بعدين؟

 , لكن لما يقول لى ان ده هيخلى التسارع بتاعها أكتر , يعنى لما اكون داخل على الطريق السريع عربيتى هتقدر تاخد سرعة الطريق بسرعة و ده يخلينى ما اتعرضش للخطر لانى ماشى بطئ فى شارع سريع  أو لما حد يزنق عليا فى الطريق و ممكن يعرضنى لخطر أقدر أشد و ابعد عنه ده ممكن يفرق معايا

اقول لك مثل تانى

 لما تقول ان عندك هوتلاين شغال 24 ساعة غير لما تقول اى وقت هتطلب رقمنا هيرد عليك واح من خدمة العملاء و يحل لك مشكلتك فورا

و كمان مثل عنك انت شخصيا

 افرض انك بتقدم لوظيفة  فى قسم التسويق بدل ما تقول انك اشتغلت فى شركة كذا , او انك اخدت كورس كذا , ركز على الاضافة اللى هتقدر تضيفها للشركة زى أنا هساعدكم توصلوا لعملاء أكتر , و تثبت كلامك من واقع خبرتك السابقة بضرب امثلة لانجاز مماثل قبل كده

الخلاصة ان الخواص حاجات فى شكل او تكوين المنتج او اجراءات معينة فى الخدمة , اما الميزة فهى من وجهة نظر العميل هيستفيد ايه هيحصل له ايه

 

ازاى اتكلم لغة المزايا

كل مرة تحب تتكلم عن منتجك او خدمتك او حتى نفسك , حط نفسك مكان العميل و اسأل الحاجة دى هتفيدنى ازاى

طب هاعرف ازاى احط نفسى مكان العميل

اسهل طريقة انك تسأله وجها لوجه , أو من خلال السوشيال ميديا من خلال صفحتك على الفيسبوك او من خلال الجروبز اللى بيتواجد عليها عدد كبير من العملاء

الخلاصة انك لازم تعرف الفرق بين الخواص و المزايا و لازم تتكلم لغة الزبون اللى هيه لغة المزايا

و خصوصا بعد ما عرفت طريقتين بساط نقدر نعرف بيهم العميل عايز ايه

Facebooktwitterlinkedinmail

Similar Posts

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *