Share on facebook
Share on twitter
Share on linkedin
Share on email

كيفية التغلب على المنافسين الأرخص سعرا

Facebooktwitterlinkedinmail

في حلقة النهاردة هنتعرف على 3 استراتيجيات للتعامل مع مشكلة بتهم اى حد في بزنس, مشكلة المنافس اللى بيبيع بسعر أرخص منك

في حالة ظهور منافس منتجاته أرخص قدامك واحد من 3 اختيارات

أولا. ممكن تزود المسافة بينك وبين المنافس ده بأنك تخلى منتجك أفضل منه

  1. من خلال تقديم منتج أداؤه أعلى مثلا المنتج بيعيش أطول أو أكثر متانة ومابيتكسرش بسهولة مابيحتاجش لصيانة كتير
  2. مواصفات جديدة ومبتكرة مثلا لمبات بتتغير شدة اضائتها بريموت كونترول
  3. او التميز من ناحية التصميم والشكل مثلا لمبات تعتبر ديكور أو قطعة فنية
    النجاح في الاستراتيجية دى بيعتمد على عدد من المقومات
    • انك تفهم ايه القيمة اللى العميل هيقدرها ويدفع أكتر في مقابلها يعنى لازم تكون دارس السوق والعميل علشان ماتستثمرش في تطوير العميل مش هيدفع تمنه
    • كمان رفع القيمة ده محتاج استثمار وتكلفة لأنك هتستثمر في الخامات ودقة التصنيع و الجودة quality control و كمان في التطوير أو product development , فلازم تدرس بدقة تأثير التطوير على ميزانيتك وأرباحك
    • هتقول لى أنا منتجى حاليا أفضل بالفعل وهنا ييجى دور العامل التالت للنجاح في الاستراتيجية دى, أنت محتاج تثبت للعميل ان القيمة اللى بتقدمها تستاهل السعر الأعلى لازم العميل يشوف القيمة دى ويقتنع بيها
    o من خلال اثبات العائد المادى اللى هيستفيده بمعنى توضح له بالأرقام ان منتجك الأغلى دلوقت هيوفر للعميل على المدى البعيد
    o أو من خلال شهادات العملاء عن رضاهم بالمنتج اطبع الشهادات دى على عبوات المنتجات أو حط تسجيلات العملاء في صفحتك على الفيسبوك
    o أومن خلال العروض demonstration او البيان العملى بانك توريه مقارنة عملية بين المنتجين مثلا
    o أومن خلال تقديم الضمانات guarantee لعدد من السنوات أو ضمان استبدال المنتج اذا تلف في فترة معينة

ثانيا ممكن تركز وتتميز في الخدمة

يعنى تبنى علاقة قوية مع العميل من خلال:
• مستوى خدمة أعلى وأستجابة أسرع
• أو خدمة متفصلة على احتياجاته أو منتج متفصل على احتياجاته مش هيلاقى زيه عند المنافس
• أوحلول متكاملة
• تحسس العميل انك شريك معاه انت مش مجرد مورد انت جزء من منظومة البزنس بتاعه
النجاح في الاستراتيجية دى بيعتمد على
• انك هتستثمر في فريق خدمة عملاء مدرب و هوتلاين شغال باستمرار و طبعا انك تطور وتبتكر حلول متكاملة أو منتجات متفصلة على احتياجات فئة معينة من العملاء

ثالثا ممكن تنافس على السعر

طبعا ممكن برضه تاخد الاختيار ده بعين الاعتبار
يعنى أحيانا العميل بيكون مش فارق معاه الجودة المرتفعة أو الخدمة المميزة
• في الحالة دى بتحاول تدى العميل أفضل سعر للمنتج العادى التقليدي بجودة أو أداء مرضى مش ممتاز لكن جيد بما يكفى لرضا العميل
النجاح في الاستراتيجية دى بيعتمد على
• انك تقلل تكلفة الإنتاج بحيث تقدر تكسب من السعر الأقل من خلال انك تستثمر في هيكلة العمليات lean manufacturing وعمل شراكات استراتيجية مع الموردين
• بتركز على عدد محدد من المنتجات يعنى مش بتعمل كل نوع موجود في السوق لأن ده بيزود تكاليفك
• و نقطة متعلقة بالنقطة دى برضه انك بتركز على المنتج الأساسى standard من غير إضافات upgrade no no variations

وأحب أضيف اختيار تانى بالنسبة للسعر فيه اختيار وسط: ممكن تصنع الدرجتين الممتازة والمقبولة وتستهدف فئتين من العملاء بدل ماتفقد الشريحة الاقتصادية
علشان الطريقة دى تنجح محتاج حاجتين

o تستفيد من إمكانيات التصنيع المشتركة يعنى نفس الماكينات وخطوط الإنتاج ممكن تصنع الاتنين يعنى لو هتضطر تبنى خطوط انتاج جديدة الفكرة دى جايز ماتكونش مناسبة لك
o انك تحمى المنتج المتميز من خلال تطوير استراتيجيات التسويق بأنك تعمل المنتج الجيد تحت ماركة أو علامة تجارية مختلفة مثلا علشان مايبقاش ليك منتجين مختلفين في الجودة تحت نفس الأسم أو العلامة التجارية لأن ده هيؤذى المنتج الجيد

أحب أضيف ان اختيارك لاستراتيجية من التلاتة مش معناه ان الجانبين التانيين يبقوا غير مقبولين
يعنى لو عندك أفضل منتج ولكن سعرك عالى جدا مقارنة بغيرك أو خدمتك سيئة جدا فجودة منتجك مش هتشفع ليك


Facebooktwitterlinkedinmail

للمزيد أكتب بريدك الالكترونى

سوف أرسل لك معلومات وفيديوهات تساعدك على النجاح فى البزنس 

المزيد من الحلقات

كيف تختار سعر المنتج لزيادة الربح

كيف تختار سعر المنتج لزيادة الربح

أصدقاء كتير للقناة بيسألوا ازاى احدد سعر المنتج بتاعى؟طبعا الاصدقاء دول عندهم حق يسألوا عن موضوع تحديد السعر دهلان سعر منتجاتك من اهم العوامل اللى بتحدد مكسبك و اللى بناءا عليه قد ايه هتقدر تصرف على التسويقو قد ايه ممكن شغلك يكبر، و الغلط فى تحديد السعر واحد من الاسباب الرئيسية ورا فشل تجارات كتيرة

المزيد
لهذا يفشل اعلانك على الفيس بوك

لهذا يفشل اعلانك على الفيس بوك

من الشكاوى الشائعة جدا “عملت اعلان فيسبوك وماجابش نتيجة او فيه تفاعل كبير على الإعلان لكن مافيش بيع”“هي إعلانات فيسبوك مابقاش لها لازمة؟”طبعا فيه اكتر من سبب للشكوى دى لكن واحد من الأسباب المهمة هو أول خطوة في الإعلان، اختيار هدف خاطئ للحملة الاعلانيةعلشان كده في حلقة النهارده هاتكلم عن ازاى تختار الهدف الصح للحملة

المزيد
كتابة الخطة التسويقية بطريقة sostac

كتابة الخطة التسويقية بأسلوب sostac

• من الأسئلة الكتيرة اللى بتيجى لى أسئلة زى أنا عملت موقع تجارة الكترونية ومش شغال أو عندى صفحة على فيسبوك او انستجرام ممكن تشوفها وتقولى ممكن أحسنها ازاىأو أنا عملت منتج handmade أو استوردت منتج بس مش عارف أسوق له ازاى• ولما بسال الناس دى انت ليه اخترت المنتج ده او مين الزبون او

المزيد