Share on facebook
Share on twitter
Share on linkedin
Share on email

كيفية الرد على اعتراض الزبون : يجب أن أسأل زوجتى

من الاعتراضات الشائعة اللى بيقابلها كتير من رجال المبيعات اعتراض لازم اسأل زوجى او زوجتى الأول

و طبعا  اكيد مش هيرضيك انك انت أو منتجك  تكونوا السبب فى حدوث مشكلة عائلية

وأنا كمان مايرضينيش ده

 

عشان كده حلقة النهاردة  عن كيفية  التعامل  مع اعتراض لازم آخد رأى المدام أو لازم آخد رأى زوجى

الوقاية خير من العلاج

تجنب الوصول للمرحلة دى. تجنب انك تخلص العرض بتاعك ثم تفاجأ بالعميل بيقول لازم ارجع للمدام الأول

بعضنا بيندمج فى الكول أو العرض  و مش بيلاحظ  استجابات العميل و لغة الجسد بتاعته فأحيانا الزبون بيكون عنده بعض الاعتراضات او بوادر عدم الاقتناع لكن انت ما أخدتش بالك واستمريت فى العرض ,  او الاسوأ من كده انك  تكون لاحظت فعلا  لكن حاولت تجبره على سماع بقية الكول على أمل انه لما يسمع الباقى يقتنع

الصح اولا انك تاخد التزامات مرحلية
  •  يعنى موافقات صغيرة او التزامات صغيرة  من الزبون على مدار الكول يعنى الميزة دى تفرق معاك هل دى مهمة لك فى اختيار المنتج  هل احنا متفقين على جودة الجهاز و ماتنقلش للنقطة اللى بعدها الا لما تتاكد انك اقنعته بالنقطة دى

بتكرار الحصول على ردود  ايجابية على الاسئلة الصغيرة دى انت بتتاكد انك على الطريق الصحيح و ان مافيش اعتراضات خفية عند الزبون

خبراء مهارات البيع وجدوا  ان الزبون لما يفضل يقول موافق اكتر من مرة بيكون اتعود على الموافقة فلما يوصل لمرحلة قفل الصفقة مش بيعترض حاجة كده زى القصور الذاتى

اسأل مين تانى هيشترك فى القرار ده او ياترى زوجتك هتشاركك فى الاختيار ده

 او من معرفتك بيها تعتقد ايه هيكون رد فعلها

وهل  قرارها ممكن يغير اللى هنتفق عليه

   لو قال لا يبقى قفلنا السكة دى ومش هيقدر يستخدمها.  لو قال اه رد عليه  تحب  تكلمها دلوقتى  و تبلغها انك بتشترى الجهاز  واللا بعد مانتفق؟

طيب خلصت العرض والزبون لم يعترض على شىء طول الوقت و جاء وقت عمل الفاتورة و اتمام الصفقة و الزبون فاجأك بمعلش لازم آخد رأى المدام الأول 

 

الأول اتاكد هل ده اعتراض حقيقى واللا وسيلة للتهرب من الشراء

الأسئلة اللى ممكن تساعدك تشخص

السؤال الأول : لو كنت مش محتاج  لرأى زوجتك كنت هتشترى؟ لو اتردد يبقى فيه اعتراض لسه ما اتحلش ولازم ترجع له لو قال اه كنت هاشترى علمه يقول ايه لزوجته عشان يقنعها بالمنتج

 السؤال التانى :خايف زوجتك تعترض على ايه بالتحديد فى المنتج ؟

خايف تعترض على السعر

وانت ايه رايك

رايى السعر ممكن يكون غالى شوية

كده ممكن تعرف نقطة الاعتراض اللى اتحجج بزوجته  علشانها

 ونرجع للخطوة دى من الكول تانى

لو اتأكدت فعلا انه مقتنع بالمنتج بس قلقان ان زوجته ترفض

اعطيه الثقة فى قراره

          اسأله هل زوجتك تثق فى اختياراتك ,تؤيد ارائك , هل كل حاجة بتشتريها معاها واللا فيه     حاجات بتشتريها لوحدك

حوله لبائع

اسأله قولى لى هتقول لها ايه , انت كده بتخليه يبيع لنفسه لو عمل كول مظبوطة وخليته يعيدها ليك هو هيقنع نفسه بتكرار الكول 

لو قال مش هعرف: قول له ايه رايك نكلمها على التليفون دلوقتى وتسيبينى اشرح لها

فيه طريقة تانية

 قول له اعمل لها مفاجأة مش هتفرح اكتر

أحب أضيف احتمال تانى ,فيه ناس مش بتاخد قرارات بسرعة او من اول مرة  وبيلجأوا لحجة هاسأل المدام عشان ياخدوا وقت للتفكير , ممكن تشجعهم على اتخاذ القرار لو فيه اوفر دلوقت لفترة محدودة او الكمية الموجودة من المنتج محدودة

للمزيد أكتب بريدك الالكترونى

سوف أرسل لك معلومات وفيديوهات تساعدك على النجاح فى البزنس 

المزيد من الحلقات

سبعة طرق للترويج لمشروعك بواسطة صفحة فيسبوك

تعرف انك ممكن تروج للبزنس بتاعك سواء كان اونلاين او اوفلاين من داخل صفحة الفيسبوك ومن غير ما تستخدم  Ads manager في بوست النهارده هاقول لك على 7 طرق تقدر تعمل بيها ترويج للبزنس مباشرة من داخل الصفحة وهاقول لك امتى تستخدم كل طريقة وفيهم طريقة ممكن تساعدك في حل مشكلة السعر انبوكس فيه طريقين

المزيد
احترف التسويق الالكترونى بالمحتوى

احترف التسويق الالكترونى بالمحتوى

في مقال النهارده هنعرف ايه هو المحتوى وايه أهميتة   وهنعرف ازاى المحتوى لازم يناسب العميل ويناسب المرحلة اللى العميل بيمر بيها ويساعد فى تحريك العميل من مرحلة للتانية في رحلته ايه المحتوى وايه أهميته   المحتوى مش بس المدونة أو البلوج ،المحتوى هو كل حاجة انت بتحطها على الانترنت سواء بلوج بوست أو سوشيال

المزيد

ابدأ رحلتك مع التسويق الالكترونى بفهم رحلة العميل

ينفع تقابل واحدة ما تعرفش عنها أي حاجة ولا هي تعرف عنك أي حاجة ومباشرة أو خبط لزق تطلب منها الجواز؟ غالبا لأ ولو انت عملت كده فهى غالبا هترفض ويمكن تشك في قواك العقلية ايه علاقة ده بالتسويق الالكترونى  وعنوان مقال النهارده  كمل  قراءة علشان تعرف واحد من المفاهيم المهمة جدا في التسويق الالكترونى

المزيد