Share on facebook
Share on twitter
Share on linkedin
Share on email

“كيف تتعامل مع اعتراض العميل ” دعنى أفكر

Facebooktwitterlinkedinmail

بعد ما عملت كل حاجة صح  و قلت كل مزايا المنتج و بتستعد تقفل الصفقة  ييجى الزبون مفاجأك بسيبنى افكر وطبعا انت عارف انه مش هيفكر ولا حاجة و ان دى مجرد حجة عشان يتخلص منك. يعنى الصفقة راحت لكن قبل ماتفقد الأمل فى اتمام الصفقة تعالى نشوف فى حلقة “النهاردة ازاى ترد على “سيبنى افكر ؟

“كيف ترد على “سيبنى أفكر

خلينى اسالك فى البداية لما العميل بيقول لك سيبنى افكر بترد ازاى ؟

:فيه رجال مبيعات كتير بيقولوا
طيب تحب اكلمك تانى امتى او اجى لك تانى امتى

لكن الناس دى مش عارفة ان الموضوع بيكون انتهى

اللى لازم تعرفه ان بمجرد خروج العميل من الباب او خروجك من عنده فرصة انك تبيع ليه بتقل بشكل كبير
تفتكر ان الزبون فعلا هيفكر ؟
تعرف ان فى 24 ساعة فقط الزبون ده هيكون نسى 75 % من اللى قلته له
وفى خلال شهر هيكون نسى 90 % من اللى قلته
فحتى لو كلمته او زرته بعد اسبوع هيكون نسى 75% ده غير طبعا صعوبة محاولة تحديد موعد جديد اصلا

تعالى بقى نشوف الطريقة الصحيحة للرد على سيبنى افكر

لما الزبون يقول لك سيبنى افكر رد بهدوء لكن بثقة
شوف يافندم عادة لما زبون بيقول انه عايز يفكر فاما انه مش مهتم بالمنتج يعنى مش محتاجه او محتاجه لكن مش متأكد من حاجة معينة حضرتك مش مهتم واللا مش متأكد
لو قال لك مش مهتم ,خلاص الموضوع منتهى ممكن تسأل ياترى ليه مش مهتم لكن ده من باب العلم بالشىء مش اكتر

معظم الاوقات الزبون هيقول انا مهتم بس مش متاكد

فى الحالة دى فيه واحد من 3 اسباب

المنتج مش مناسب للزبون مثلا حجم البوتاجاز  اكبر من المساحة المتوافرة فى المطبخ عند الزبون

المنتج مش بيغطى
احتياجات الزبون يعنى مساحة الهارد دسك فى 
الكومبيوتر  نص تيرا وهو محتاج
مساحة تخزين اكبر

او المشكلة مادية
يعنى هو محتاج المنتج و مناسب ليه و بيحقق كل اللى عايزه لكن مش قادر يدفع تمنه

هتعرف ازاى وتتعامل ازاى؟

:هترد بالتسلسل ده

هل  المنتج  مش مناسب لك لو رد لأ  مش مناسب يبقى هتعرض عليه منتج مناسب

لو قال اه مناسب يبقى السؤال التانى

هل  مش بيغطى احتياجاتك يعنى مش هيعمل الوظيفة المطلوبة بالشكل اللى انت عايزه  وهنا هتعيد باختصار مزايا منتجك كنوع من التاكيد  

لو  قال فيه حاجة ناقصة يبقى هتشوف منتج بيقدم احتياجاته بشكل افضل و لو لأ  مفيش حاجة ناقصة

قول كده يبقى مش فاضل غير الفلوس هل دى المشكلة

اذا قال اه فعلا المنتج كويس لكن مش هاقدر اشتريه دلوقتى او ماعنديش السيولة الكافية

هنا بقى لو عندك حل يسهل عليه الدفع هتقول لو قدرت احل لك مشكلة الدفع هتشترى

لو قال طبعا اعرض عليه الحل الموجود زى التقسيط او استبدال العربية القديمة وتقسيط الفرق

يمكن يبان ان السؤال عن الفلوس غريب شوية لكن احيانا بعض الناس بيتحرج يقول ان مفيش معاه فلوس برغم انه عايز المنتج فالاسلوب ده ممكن يخلصه من الحرج و توصل لأصل المشكلة و كمان تساعده فى الحل

يبقى الخص لك الخطوات تانى

مهتم واللا لأ

لو مهتم هل المنتج مناسب

هل بيحقق اللى انت عايزه

وهل الفلوس هى المشكلة

Facebooktwitterlinkedinmail

للمزيد أكتب بريدك الالكترونى

سوف أرسل لك معلومات وفيديوهات تساعدك على النجاح فى البزنس 

المزيد من الحلقات

كيف تختار سعر المنتج لزيادة الربح

كيف تختار سعر المنتج لزيادة الربح

أصدقاء كتير للقناة بيسألوا ازاى احدد سعر المنتج بتاعى؟طبعا الاصدقاء دول عندهم حق يسألوا عن موضوع تحديد السعر دهلان سعر منتجاتك من اهم العوامل اللى بتحدد مكسبك و اللى بناءا عليه قد ايه هتقدر تصرف على التسويقو قد ايه ممكن شغلك يكبر، و الغلط فى تحديد السعر واحد من الاسباب الرئيسية ورا فشل تجارات كتيرة

المزيد
لهذا يفشل اعلانك على الفيس بوك

لهذا يفشل اعلانك على الفيس بوك

من الشكاوى الشائعة جدا “عملت اعلان فيسبوك وماجابش نتيجة او فيه تفاعل كبير على الإعلان لكن مافيش بيع”“هي إعلانات فيسبوك مابقاش لها لازمة؟”طبعا فيه اكتر من سبب للشكوى دى لكن واحد من الأسباب المهمة هو أول خطوة في الإعلان، اختيار هدف خاطئ للحملة الاعلانيةعلشان كده في حلقة النهارده هاتكلم عن ازاى تختار الهدف الصح للحملة

المزيد
كتابة الخطة التسويقية بطريقة sostac

كتابة الخطة التسويقية بأسلوب sostac

• من الأسئلة الكتيرة اللى بتيجى لى أسئلة زى أنا عملت موقع تجارة الكترونية ومش شغال أو عندى صفحة على فيسبوك او انستجرام ممكن تشوفها وتقولى ممكن أحسنها ازاىأو أنا عملت منتج handmade أو استوردت منتج بس مش عارف أسوق له ازاى• ولما بسال الناس دى انت ليه اخترت المنتج ده او مين الزبون او

المزيد