لا تضع أهداف 2019 قبل معرفة هذه المهارة

Facebooktwitterlinkedinmail

انا عارف ان كتير منكم فى بداية السنة الجديدة بيحطوا اهداف و طموحات و امنيات نفسهم يحققوها فى خلال السنة

و طبعا فيه عوامل كتير ممكن تحدد مين هيحقق طموحاته و مين مش هيحققها

لكن من أهم العوامل دى القدرة على اكتساب معلومات ومهارات جديدة

  • عشان تنجح فى تحقيق أهدافك  لازم تتعلم  تبقى احسن فى اللى بتعمله ولازم  تتعلم حاجات جديدة

عشان كده, النهاردة هنشوف  خطوة بخطوة ازاى تقدر تكتسب معلومات ومهارات جديدة تؤهلك لتحقيق طموحاتك و اهدافك خلال 2019 ان شاء الله و  هنعرف كمان مهارة جديدة هتغير مفهومك عن تعلم أى حاجة

  • هنشوف فى حلقة النهاردة فى 4 خطوات  ازاى ممكن تحصل على المعلومات والمهارات الضرورية لنجاحك
  • و هنتعرف على طريقة  اسمها  التدريب الواعى او الممارسة الواعية deliberate practice ,الطريقة دى هى اللى بتفرق الناجحين  عن العاديين او الفاشلين

1- حدد الهدف المعرفى او المهارى

  • عايز  اتقن فن المبيعات
  • عايزة اتعلم لغة جديدة
  • عايز اتعلم اعمل موبايل ابليكيشنز

اكتب الاهداف دى لأن   كتابة الأهداف مش بس بتخليك فاكرها انما كمان بتديها نوع من القوة و الجدية 

2- حدد اين ستحصل على المعلومة 

  • كتاب ,كورس, محاضرات مسائية فى جامعة ,  كوتش

3- حدد المعارف أو المهارات الجزئية  اللى  محتاجهم عشان تحقق هدفك : يعنى المنهج او المقرر

  • فى حالة عايز  اتقن فن المبيعات: مهارات البيع مهارات التفاوض مهارات التواصل مهارات اقفال الصفقة
  • ولو عايزة اتعلم لغة جديدة :الكلمات الجرامر المحادثة  
  • او عايز اتعلم اعمل موبايل ابليكيشنز:Java ui ux cloud computing sql
  • من الأخطاء الشائعة اننا بنحط هدف اجمالى مبهم و غير محدد . شىء ضخم اسمه اتقان المبيعات او البرمجة او دراسة لغة
  • ده بيخلينا مش بنعرف نبدأ ازاى و نتتحرك فى اى اتجاه و امتى نعرف اننا وصلنا
  • وعشان كده بنفضل واقفين مكاننا قدام الهدف الضخم ده 
  • لكن لما بتحول الهدف لخطوات محددة و بتحط لكل خطوة وقت معين لانجازها بيصبح سهل القيام بيها

4-  التدريب الواعى

اللى قلته لغاية دلوقتى  مش جديد على كتير منكم لكن ركزوا  معايا بقى فى النقطة دى

كل مهارة او جزء من الكورس  اتعامل معاها كتدريب واعى, ممارسة بوعى, deliberate practice 

يعنى ايه تدريب واعى؟ يعنى

1-اعتبر ان كل درس معلومة متكاملة  او مهارة منفصلة في حد ذاتها و ممكن تطبقها مثلا  بعد ما تخلص درس التفاوض تقدر  تطبقه فى شغلك مش لازم تستنى لما تخلص كل كورس المبيعات عشان تبدأ

2-نفذ الخطوة أو الدرس بالطريقة المطلوبة بارشاد مدرب او اتباع  تعليمات الكتاب او الكورس

3-راقب النتيجة يعنى اللى عملته ده صح و ناجح واللا لأ

احيانا بتحتاج للكوتش يقول لك ده و احيانا بيكون سهل تعرف بنفسك  يعنى لو مش عارف اقفل الصفقة  يبقى لسه ماوصلتش للنجاح فى الخطوة دى

4-بناءا على الفيدباك ده عدل اتجاهك

الموضوع بالظبط زى ازاى بتتعلم تصوب باسكت؟ بترمى الكورة فى اتجاه الحلقة وغالبا  مش بتصيبها من أول مرة لكن بتسجل فى ذهنك انها  كانت عالية او منخفضة يمين او شمال و تعدل المرة التالية لغاية ماتوصل للتصويب الصحيح

نفس الكلام هيحصل وانت بتتبع التدريب الواعى  طول مانت بتطبق  الخطوة صح بتنجح , لكن اول ما بتلاقى النتيجة عكس المطلوب بتقف وتراجع نفسك و تعدل الاتجاه

جمال الفكرة دى ان عمرك ما هتفشل  لان حتى لو ما حققتش المطلوب انت لم تفشل  انت نجحت فى اكتشاف طريق مش بيوصلك و نجحت فى تعديل اتجاهك ناحية طريق جديد

لما سالوا اديسون ازاى لم يحبط بعد 10000 محاولة فاشلة لاختراع المصباح قال لم افشل ولكن وجدت 10000 طريقة لا تعمل

5-كل درس لازم  ينتهى بتطبيق عملى  أو مهمة

6-عرفت الطريقة الصح ابدأ التدريب المركز على المهارة الى اتقانها   –حدد امتى وفين هاتتدرب على المهارة دى فى البيت فى المكتب فى الفيلد

7-القياس والمتابعة :حط مقاييس للتقدم , كتبت كود قد ايه ,حفظت كام كلمة عرفت كام كلوسنج تكنيك .

سجل تقدمك فى مفكرة , ولو تقدر حول المتابعة لرسم بيانى , مكانك على الكيرف  و الطريق الباقى قدامك  هيحفزك عشان تكمل

8-خلى عينك على خط النهاية لأن هدفك بعد انهاء كل الخطوات هو الوصول لخط النهاية و اكمال المشروع التعليمى ده

فى النهاية احب اضيف ان  

أحيانا  مايكونش فيه خط نهاية

 يعنى مهارات البيع فيها دايما مجال لتعلم حاجة تانية و اللغة مش هتقدر تعرف كل كلماتها .لكن اللى تقدر تعمله انك تنجز مرحلة و  عشان كده وضع اهداف مرحلية مهم جدا

  • و  كل خطوة على الطريق هى هدف مرحلى يستحق الاحتفال 
Facebooktwitterlinkedinmail

Similar Posts

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *