Share on facebook
Share on twitter
Share on linkedin
Share on email

ما لا تعرفه عن المزيج التسويقى

Facebooktwitterlinkedinmail

أكيد سمعت عن المزيج التسويقى أو ال 4Ps

وجايز  استخدمته وانت بتعمل خطة التسويق لمنتج أو خدمة

لكن في حلقة النهارده هاتكلم عن بعض تفاصيل المزيج التسويقى مش كتير عارفينها والتفاصيل دى هي اللى بتفرق بين اللى بيحط خطة تسويق ناجحة واللى بيحط خطة مش ناجحة

المزيج التسويقى جزء اساسى في خطة التسويق ممكن نعتبره الجزء التطبيقى أو التكتيكى

يعنى خطة التسويق فيها جزء استراتيجى اللى هو تقسيم السوق الى شرايح واستهداف شريحة معينة وعمل positioning  او مركز سوقى محدد

وفيها جزء عملى او تكتيكى اللى بيغطيه المزيج التسويقى أو marketing mix  أو 4Ps

والمزيج التسويقى ينطبق على تسويق المنتجات وتسويق الخدمات

وينطبق على تسويق المنتجات الغالية زى العربيات والمنتجات الرخيصة زى اللبان

وعلى الشركات الملتى ناشونال وعلى محلك الصغير

 

في آخر الحلقة هاقول لك على 4 أسرار للاستخدام الناجح للمزيج التسويقى

لكن في الأول …

ايه مكونات المزيج التسويقى

المكونات دى هي المنتج اللى هتبيعه وهتبيعه بكام وفين وهتعرف الزبون بيه ازاى

يعنى المنتج السعر المكان والترويج

اللى بيختصروهم بالانجليزى بال  4Ps   product, price, place, promotion

المنتج

أول P هي المنتج والمنتج ممكن يكون منتج مادى زى الأجهزة المنزلية  أو العقارات

لكن مش شرط يكون منتج مادى يعنى ممكن يكون خدمة زى صيانة العربية

وممكن كمان يكون مزيج بين الاتنين زى المطاعم اللى بتقدم شيء مادى اللى هو الأكل وشىء غير مادى اللى هو الخدمة

مش بس كده ده مفهوم المنتج أوسع من كده يعنى لو بتعمل خطة لتسويق شخص معين زى مرشح لمنصب أو نجم فالمنتج بقى الشخص ده

وطبعا مع العالم الديجيتال اللى بنعيش فيه مانقدرش نغفل المنتجات الافتراضية زى online games  

وانت بتخطط للمنتج بتاعك لازم تراعى:

  • المنتج يكون بيقدم قيمة للزبون أو بيحل مشكلة للزبون
  • تراعى مناسبة المنتج لشريحة الزباين اللى بتستهدفها ، وممكن تفكر في تقديم مزيج من المنتجات كل منتج لشريحة معينة
  • لازم تجاوب على سؤال ايه اللى بيميز منتجى عن المنافسين:

    • المواصفات والفوايد
    • الجودة
    • التصميم
    • التغليف
    • العلامة التجارية والصورة

السعر

  • السعر مهم جدا لأنه هو العامل الوحيد اللى بيدخل لك فلوس في الشركة وكل العوامل التانية بتستهلك فلوس
  • لكن السعر له دور تانى مهم وهو الدور التسويقى يعنى ايه يعنى السعر اللى بتختاره بيساعدك انك تسوق لمنتجك سواء كان السعر قليل أو كبير
  • السعر جزء من مركزك السوقى والصورة اللى بتبنيها لمنتجك فلو سعرك عالى ده بيساعدك تبنى صورة ان منتجك قيم وبريستيج بشرط تانى ان كل المزيج يكون متوافق مع السعر
  • الزبون دايما بيقارن بين سعرك وبين القيمة اللى بيحصل عليها فلو حس ان القيمة أقل من السعر مش هيشترى

فيه أكتر من استراتيجية لتحديد السعر

  • Cost plus التسعير بناءا على التكلفة يعنى بتشوف اجمالى التكلفة بتاعتك وتضيف عليها نسبة ربح وتحدد السعر
  • Consumer value   التسعير بناءا على القيمة من وجهة نظر الزبون يعنى منتجك يساوى قد ايه من وجهة نظر الزبون بيقدم له فايدة تساوى كام أو بيوفر له تكلفة تساوى كام بغض النظر عن تكلفتك الفعلية
  • المنافسين ممكن تحدد سعرك زى المنافسين أو اقل شوية

ازاى تحدد سعر  منتج جديد

  • Penetration اختراق السوق يعنى تبدا بسعر قليل علشان تنتشر وتاخد حصة كبيرة من السوق وبعد كده ترفع سعرك
  • Skimming قشد السوق أو اخد كريمة السوق يعنى تبدأ بسعر عالى وبعدين تنزل سعرك والاستراتيجية دى بتعملها شركات المنتجات التكنولوجية علشان تعوض تكلفة الابتكار والتطوير  وبعد ما المنافسين يقلدوها بمنتجات أرخص بتضطر ترخص سعرها شوية وتنزل منتج جديد بسعر عالى وهكذا

 

استخدام  السعر  كعامل تسويقى

  • السعر كعامل ترويجى

    • Promotional price   السعر الترويجى يعنى عمل سعر مخفض للترويج في فترة معينة أو إمكانية التقسيط أو فترة السماح قبل السداد
  • السعر كعامل لتحديد المركز السوقى

    • Premium pricing سعر مميز لاستهداف الشريحة الأعلى في السوق وعلى فكرة لو بعت منتجك بسعر منخفض الشريحة دى هتسيبك
    • Economy pricing السعر الاقتصادى لاستهداف الشريحة الأقل في السوق

 

الترويج Promotion 

التروبج هو الحاجات اللى بتعملها علشان تعرف الزبون بمنتجك وتقنعه يشترى

الترويج بيشمل عدد كبير من الأنشطة

الدعاية والاعلان

التليفزيون والراديو والجرايد والمجلات والبلبورد والديجيتال ميديا

الترويج البيعى sales promotion

موجه للموزع والمحل

موجه للزبون

البيع الشخصى personal selling

فريق بيع الشركة

التسويق المباشر direct marketing

التلى سيلز

الايميل

العلاقات العامة public relations

سبونسور افنت

التبرعات والعمل الخيرى

طبعا زمان الترويج كان اتجاه واحد من المنتج للمستهلك لكن النهارده  مع الديجيتال ماركتنج بقى اتجاهين

 

 

 

المكان، التوزيع place 

التوزيع ممكن يكون مباشر لو بتوزع مباشرة للزبون من غير وسيط يعنى بتودى المنتج للزبون او عندك محلاتك

وغير مباشر لو بتعتمد على وسطاء زى تجار الجملة ومحلات التجزئة

المباشر بيديك تحكم اكتر لكن بيقلل انتشارك والغير مباشر بالعكس

وطبعا ما تنساش الانترنت والاونلاين وده برضه مباشر وغير مباشر لو موقعك مباشر ولو موقع غيرك زى سوق دوت كوم وجوميا غير مباشر

 

من أسرار نجاح المزيج التسويقى:

نيجى بقى زى ما وعدتك للحاجات اللى ممكن تخلى مزيج تسويقى ينجح ومزيج يفشل

  • لازم تتعامل مع المزيج التسويقى كوحدة متكاملة. نجاح خطتك التسويقية لا يتم الا بالنجاح في المكونات الأربعة مع بعض يعنى لو نجحت في 3 مكونات وفشلت في الرابعة الخطة هتفشل يعنى عملت منتج ممتاز وروجت له حلو و حطيته في مكان مناسب لكن السعر كان غير مربح المزيج كله يفشل
  • التوافق بين أجزاء المزيج التسويقى يعنى لو عندك منتج قيم ومعتمد على الصورة أو البرستيج ماينفعش تبيعه فى مكان شعبى أو تنزل عليه خصومات كتير لأن ده هيقلل الصورة اللى انت بنيت خطتك عليها   
  • التكامل يعنى الإعلانات الكتير معناها ان السعر هيكون أغلى من ناحية الإعلان بيدى صورة أعلى للمنتج تسمح لك ترفع السعر ومن ناحية تانية السعر الأعلى بيديك فرصة تصرف على الاعلانات
  • تفصيل المزيج على الشريحة المستهدفة يعنى لو بتستهدف الشريحة الأعلى هتقدم منتج اعلى وسعره اغلى وتوزعه في أماكن راقية وتعلن عنه في أماكن مناسبة والعكس صحيح
Facebooktwitterlinkedinmail

للمزيد أكتب بريدك الالكترونى

سوف أرسل لك معلومات وفيديوهات تساعدك على النجاح فى البزنس 

المزيد من الحلقات

كيف تختار سعر المنتج لزيادة الربح

كيف تختار سعر المنتج لزيادة الربح

أصدقاء كتير للقناة بيسألوا ازاى احدد سعر المنتج بتاعى؟طبعا الاصدقاء دول عندهم حق يسألوا عن موضوع تحديد السعر دهلان سعر منتجاتك من اهم العوامل اللى بتحدد مكسبك و اللى بناءا عليه قد ايه هتقدر تصرف على التسويقو قد ايه ممكن شغلك يكبر، و الغلط فى تحديد السعر واحد من الاسباب الرئيسية ورا فشل تجارات كتيرة

المزيد
لهذا يفشل اعلانك على الفيس بوك

لهذا يفشل اعلانك على الفيس بوك

من الشكاوى الشائعة جدا “عملت اعلان فيسبوك وماجابش نتيجة او فيه تفاعل كبير على الإعلان لكن مافيش بيع”“هي إعلانات فيسبوك مابقاش لها لازمة؟”طبعا فيه اكتر من سبب للشكوى دى لكن واحد من الأسباب المهمة هو أول خطوة في الإعلان، اختيار هدف خاطئ للحملة الاعلانيةعلشان كده في حلقة النهارده هاتكلم عن ازاى تختار الهدف الصح للحملة

المزيد
كتابة الخطة التسويقية بطريقة sostac

كتابة الخطة التسويقية بأسلوب sostac

• من الأسئلة الكتيرة اللى بتيجى لى أسئلة زى أنا عملت موقع تجارة الكترونية ومش شغال أو عندى صفحة على فيسبوك او انستجرام ممكن تشوفها وتقولى ممكن أحسنها ازاىأو أنا عملت منتج handmade أو استوردت منتج بس مش عارف أسوق له ازاى• ولما بسال الناس دى انت ليه اخترت المنتج ده او مين الزبون او

المزيد