احذر هذا الخطأ أثناء التسويق على الفيس بوك

Facebooktwitterlinkedinmail

لو عندك بزنس فغالبا عندك صفحة فيسبوك بتحاول من خلالها تسوق للبزنس ده
كمان لو انت مسئول عن التسويق فى شركة فاداء صفحتها أمر له درجة من الاهمية قد  تزيد او تقل   بالنسبة لك ولادارة الشركة
ولو  ماعندكش صفحة أكيد بتفكر تبدأ صفحة لان كل الناس بقت على الفيس اشمعنى احنا
لو انت واحد من التلاتة دول غالبا انت عارف ان التسويق من خلال الفيسبوك مابقاش سهل زى زمان
شاهد الحلقة علشان تعرف ازاى تخلى صفحتك سلاح تسويق قوى برغم التحديات الجديدة دى
وازاى ماتقعش فى خطا بتعمله كل الصفحات و بيطفش منها المتابعين


ازاى ماتقعش فى خطا بتعمله كل الصفحات و بيطفش منها المتابعين

فيه اخبار جيدة و اخبار سيئة

قبل ما اقول لك الاخبار الجيدة خلينا نخلص اولا من  الخبار السيئة 

:التسويق على الفيسبوك بقى اصعب لعدة اسباب
زيادة عدد المشتركين اللى تخطى2 مليار و بالتالى فرصة وصول بوستك لزبونك  قلت بسبب تنافسه مع عدد كبير من البوستات
تحول عدد كبير من الشركات للاعلان على الفيسبوك فالبوست بتاعك برضه مضطر ينافس دول كمان
نتيجة للحاجتين دول الفيسبوك بدا يحجم من وصول البوستات للمتابعين يعنى 1-3 % فقط من بوستاتك بقى ممكن يوصل لمتابعين صفحتك
وبقى ضرورى تدفع من خلال الاعلانات الممولة عشان توصل لعدد اكبر بشكل اورجانيك او مجانى
pay to playزى مابيقولوا
بالاضافة للخطا الشائع اللى بتعمله كل الصفحات زى ما ها اقول لك بعد شوية

Pay to play

يعنى مافيش امل ؟ لأ فيه . تعالى نتكلم بقى عن الاخبار الجيدة

لو لعبت لعبة الفيسبوك بالطريقة اللى هاقول لك عليها هتزود فرصتك فى الوصول لزباينك من خلال الصفحة مجانا
مش بس كده ,كمان لما تدفع للاعلانات هتوصل لنتيجة افضل بتكلفة اقل

 و عشان تكسب اى لعبة لازم تعرف ايه قواعدها

واللى بيحط القواعد هنا هو الفيسبوك

طيب هو فيسبوك عايز ايه

فيسبوك عايز الناس تفضل عنده و ماتروحش حتة تانية
بالتالى اى حاجة تخلى الناس تبعد عن الفيس هو ضدها

طب ايه الحاجات اللى بتخلى الناس تسيب الفيسبوك

لو المحتوى مش شيق و مش بيعمل تفاعل
اللنكات او الروابط  الخارجية 
بالذات لنكات يوتيوب  لانه بينافسها الان فمش هيتطوع و يبعت لها زباين

فى المقابل ايه بيخلى الناس تفضل على الفيسبوك وقت اطول ؟

المحتوى الشيق و اللى بيؤدى لدرجة اكبر من التفاعل
خوارزمية فيسبوك بتقيس
التفاعل من خلال كم اللايك و الشير و الكومنت
يبقى مربط الفرس هو انك نعمل محتوى شيق يشجع على التفاعل يعنى اللايك والشيرو الكومنت 

فى اخر الحلقة هاقول لك ازاى كل الصفحات مش بتعمل ده و بتعمل خطأ كبير  بيطفش منها المتابعين

لكن انت طبعا مش منهم و هتعمل محتوى  يخلى الناس تتفاعل بس لازم الأول تعرف الناس بتتفاعل مع ايه

تفتكر الناس داخلة تشترى من فيسبوك
انت شخصيا بتدخل على الحساب بتاعك عشان تشترى
طبعا لا
انت داخل تتبسط
تتعلم
تتواصل  مع اصحابك وتعرف اخبارهم
ده بالظبط اللى اكتشفه  بحث اتعمل علشان يحدد البوستات التفاعلية

البحث وجد ان اكتر من نصف البوستات الناجحة تعليمى أو ملهم أو مسلى

يبقى لازم طبيعة المحتوى بتاعك يكون حاجة من دول

بيعلم

حاول تعلم المتابعين حاجة تهمهم

الناس على الانترنت و السوشيال مش بتدور على معلومة اكاديمية , الناس بتدور على معلومة سريعة تخليهم يعرفوا يعملوا حاجة او يحلوا مشكلة
حاول المحتوى يجاوب على السؤال ده
كيف اعمل كذا
يفضل الاجابة  بالفيديو
لأن الفيديو بيعمل تفاعل اكتر 18 مرة

بيحفز و يلهم

المحتوى التانى هو الحاجات المحفزة و الملهمة مقولة مشهورة او قصة نجاح او صورة معبرة و معظمنا لما بيلاقى قدامه حاجة من دول بيحس انه عايز ينشرها و يشاركها مع غيره و كتير بيعمل منشن لصحابه عشان يتأكد من وصولها ليهم

 بيضحك و يمتع

فى ظل الظروف الصعبة مابنصدق نلاقى حاجة تضحكنا او تسلينا عشان ننشرها
حاول يكون جزء من المحتوى بتاعك من هذه النوعية

مراجعة نهائية قبل النشر 

اسال نفسك 3 اسالة و لازم واحد على الاقل يكون نعم 

هل بيقدم قيمة يعنى بيعلمنى حاجة او بيلهمنى او يحفزنى

هل بيخلينى ابتسم  يعنى مضحك او مسلى

هل بيخلينى عايز اشارك اعلق او اشير او اعمل لايك 

لو الاجابة لا للتلاتة امسحه

اعمل جروب

الجروب مهم عشان ده بيعمل تفاعل اكتر
كمان التفاعل فى الجروب بيكون بين المشاركين وبعض و مش محتاج انك شخصيا تتفاعل مع كل واحد زى مابيحصل فى الصفحة

حط قاعدتين بساط للجروب 

ممنوع الاعلان يعنى لو حد داخل الجروب يعلن عن منتج
ممنوع التعليقات السخيفة او الغير مهذبة او الخارجة عن مجال الجروب
اللى يكسرهم القاعدتين دول مرتين شيله

اعمل مسابقات ومكافآت للمتابعين

بدل ماتصرف الاف لمشاهير الانترنت ممكن تصرف اقل على شوية مسابقات او حوافز للمتابعين علشان يتفاعلوا اكتر مع المحتوى

ركز على الكيف وليس الكم

طبعا كلنا عارفين ان ضرورى النشر بانتظام يعنى بالنسبة للفيسبوك الاغلب مع ان لازم على الاقل بوست كل يوم
لكن بعض الناس عشان يحققوا ده ممكن يتنازلوا عن الكواليتى فتكون النتيجة عكس اللى عايزينه

تفاعل

الهدف من كل اللى قلناه هو زيادة التفاعل مع المتابعين
وانت ممكن تكون اهم طرف فى التفاعل ده يعنى لازم تتواجد للرد على التعليقات او تشجيع الناس على التعليق

كون على طبيعتك

المتابعين عايزين يتعاملوا مع  انسان مش شركة .السوشيال يعنى اجتماعى  يعنى انسان لانسان
انشر بعض البوستات عن اخبارك مين انضم للشركة مين اترقى مين اتجوز

اصبر

 السوشيال عايز وقت كأنك بتبنى صداقة الموضوع بياخد شهور و يمكن سنين لكن المردود يستاهل 

اقول لك الخطأ الكبير اللى بتقع فيه كل الصفحات 

كل الصفحات لو بصيت على بوستاتها هتلاقى مجموعة من الاعلانات ورا بعضها عن المنتجات او الشركة من غير اعتبار للمتابع عايز ايه من غير ماتحاول تقدم حاجة من الحاجات السبعة اللى قلتها 
وزى ماقلنا فى البداية الناس مش بتدخل الفيسبوك علشان تشترى
بطل تتكلم عن نفسك طول الوقت و ابتدى تفكر فى المتابع

الاعلانات الممولة

طبعا الحلقة دى لو ما اتكلمتش عن الاعلانات هتكون خيالية
لان زى ماقلت الفيسبوك ابتدى يدفع الناس للاعلان واللا مش بينشر بوستاتهم لمتابعينهم
لكن الخبر الحلو ان الاعلانات الممولة على فيسبوك النهاردة رخيصة مقارنة باى وسيلة تانية
فحاول تستغل الفرصة دى لأن  بكرة لما لشركات الكبيرة تنقل ميزانياتها على السوشيال هتغلى

Facebooktwitterlinkedinmail

Similar Posts

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *