هل الشغف ضرورى للنجاح فى الوظيفة؟

Facebooktwitterlinkedinmail

حلقة النهاردة جايز تزعل ناس كتير من العاملين بمجال التنمية البشرية او المقتنعين بان سر النجاح فى اى حاجة ان يكون عندك شغف او ان شغلك يكون هوايتك

انا رايى ان العامل الاساسى وراء  النجاح هو عقلية الاحتراف مش عقلية الشغف

 

فى حلقتنا النهاردة هنتعرف على العوامل التلاتة الضرورية للشعور بالسعادة او الرضا عن وظيفتك

وهنشوف ازاى ان الشغف مش هو الطريق للسعادة و النجاح فى الوظيفة

وان الاحتراف هو الطريق الصح

 

وهنختم الحلقة بالتعرف على كيفية تحقيق الاحتراف ده

علشان تحب شغلك انت محتاج تحقق 3 حاجات

  • التاثير او القيمة

    شغلك له قيمة و اثر ايجابى وفعال على اللى حواليك: الزملاء العملاء المجتمع

    الابداع و الابتكار

     عندك فرصة وقدرة انك تطور شغلك و تعمل حاجات جديدة ومختلفة عن الأساليب التقليدية

    التحكم  او الاستقلالية

     عندك مقدار معقول من التحكم و الاستقلالية . غالبا بيكون عندك مشروع او مهمة و مطلوب منك النتيجة النهائية وانت بتحدد الطريق اللى يوصلك لها

     

    ملحوظة الناس اللى هتقول ان اهم حاجة المرتب والفلوس ده مش صحيح لأن ناس كتير بتسيب وظايف ذات راتب عالى عشان مش بتحقق فيها الصفات التلاتة دول

عقلية الشغف

  • هل عقلية الشغف بتحقق السعادة فى الشغل ؟ لأ للأسباب الاتية:

     

    • عقلية الشغف  بتفترض ان العالم حواليك هو المسئول انه يمنحك الشغلانة اللى بتحبها
    • فهتفضل مركز مع اللى ماحصلتش عليه من الوظيفة مع اللى ماحبيتهوش فيها  و بالتالى هتفضل دايما فى حالة من عدم الرضا يعنى مش سعيد
    • و انت لسه بادىء فى وظيفة جديدة  غالبا هيتطلب منك أعمال مفيهاش استقلالية او تاثير  او ابداع ودول من الحاجات اللى بتحدد اذا كنت هتحب شغلك واللا لأ زى ما شفنا
    • الشغف بيركز على جزء صغير قوى من امكانياتك رسم عزف ممهارات التواصل لكن الشغل بيحتاج حاجات اكتر كتير فبعد ماتبدا الشغلانة اللى ظنيت شغفك فيها هتكتشف الجوانب الأخرى اللى مش هتعجبك
    • لما تدخل عالم الشغل و الوظيفة بعقلية الشغف  المهام المملة و البيروقراطية و البوليتيكس  هيبقوا من الصعب انك تتحملهم
    • غير بقى اننا بنتغير مع الزمن و شغف النهاردة ممكن يروح بكرة و اظن كتير منكم مر بالاحساس ده

    فلو اخترت مجال شغل بناءا على شغفك بيه و ماقدرتش تحقق التلات صفات الاستقلالية والتاثير  و الابداع شغفك هيقل و هتكره الشغل

     

    بالمقابل الناس اللى بتحب شغلها  وبتنجح فيه عندهم اتجاه ذهنى مختلف ناحية الشغل

    هم بيفكروا بعقلية المحترف مش بعقلية الشغف و الحب و الهواية

عقيلة المحترف

  • لو بتفكر بعقلية المحترف انت عارف ان مفيش حد مسئول انك تحصل على كارير عظيم  انت لازم تحصل على ده بجهدك يعنى اعتمادك عقلية المحترف هو  اول خطوة للوصول لكارير جيد
  • المحترف  بيفكر ازاى ممكن اطور نفسى و احسن ادائى و اعمل حاجة لها قيمة و الناس ممكن تقدرها وتدفع تمنها .
  • المحترف عنده استعداد يستمر فى حاجة او مهمة مملة ورتيبة مش مشكلته انا مبسوط وشغوف واللا لا مشكلته ازاى اعمل المهمة دى بشكل افضل ازاى اكون احسن واحد فى المهمة دى

ازاى الاحتراف هيوصلك للشغف

لما تعتمد عقلية المحترف هتقدر تحقق الصفات التلاتة اللى قلناهاهيكون لك تأثير فى الشركة و العملاء و يمكن المجتمعو هتاخد قدر اكبر من الاستقلاليةهتاخد فرصتك فى الابداع و الابتكارهتشعر ساعتها بالشغف يعنى الاحتراف بيؤدى للشغف 

عشان توصل لمستوى الاحتراف فيه 3 حاجات لازم تعملها

  • 1-تتخلص من عقلية الشغف و الهواية وتتمسك بعقلية المحترف

    ما لم تستمر و تلتزم باداء المطلوب مهما انخفض شغفك فلن تستطيع الاستمرار

     

    2- تطوع لمشاريع جديدة تخليك تضطر تعرف مهارات جديدة

    • دايما فكر ايه المهارة اللى شركتى محتاجاها
    • ايه المهارة المطلوبة فى السوق
    • ايه المهارات اللى بتميز الناس اللى فى قمة المجال ده

    3-لما تحدد المهارة دى استخدم اسلوب التدريب الواعى  لاتقان المهارة دى

    • اعطى نفسك وقت مركز بدون تشتت للممارسة
    • ادفع نفسك لحدود قدرتك
    • اطلب المشورة والتقييم الفيدباك اول باول

لما توصل لمرحلة الاحتراف

    • مش بس هتوصل للشغف لكن كمان
    • شركتك مش هتقدر تستغنى  عنك
    • هتاخد مرتب اعلى

    لو ماوصلتش لمرحلة انك جيد لدرجة انهم مايقدروش يستغنوا عنك مش هتحس بالسعادة ولا الامان فى شغلك

     

خد دلوقت القرارين دول

انا محترف مش هاوى

 

انا هلتزم بالتدريب الواعى لتطوير نفسى 

Facebooktwitterlinkedinmail

Similar Posts

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *