عبدالناصر الديب
حكايتى
من خلال عملى فى مجال الدعاية و التسويق عندى فرصة انى أعرف مشكلات ناس كتير فى البزنس .لاحظت ان جزء كبير من المشكلات يرجع لعدم معرفة معلومة أو أكتر من معلومات البزنس , من الأساسيات الحيوية كادارة العمليات والمسائل المالية لكيفية ادارة الموظفين للتعامل مع السوق والعملاء ولاحظت ان كل أصحاب الأعمال تبحث عن المعلومة لكن للأسف مش لاقيين المعلومة اللى محتاجينها بشكل بسيط مفهوم وعملى
فكرت وقلت لنفسى لماذا لا أبدأ أنا بهذه الخطوة , لكن كنت محتار أبدأ منين . أقدم محتوى للقراءة يعنى مدونة أم محتوى للمشاهدة يعنى قناة يوتيوب و أثناء بحثى لاحظت أن المشاهد العربى يفضل المعلومة المقدمة في صورة فيديو ووجدت بعض القنوات على يوتيوب تقدم معلومات عن البزنس و التسويق , ولاحظت كم المتابعة اللى بيقول ان هناك احتياج كبير للمعلومات دى . ولاحظت أيضا ان كتير من القنوات دى بتقول كلام مش كله صح, و كتير بيقولوا كلام نظرى , يعنى بعد ماتخلص الحلقة تفكر أعمل ايه الآن فلا تجد اجابة .
فقلت لنفسى ايه المانع انى أبدأ قناة يوتيوب من باب التجربة , و أشوف رد فعل الناس , ولو لقيت تشجيع أستمر , وفعلا بدأت قناتى و عملت حلقات قصيرة تتراوح من 5-10 دقائق لكن كنت أضع دائما شرط أساسى وأنا بأعمل كل حلقة ان المشاهد يطلع منها بحاجة يقدر يطبقها فى شغله
الحقيقة رد الفعل والاستجابة فاقوا توقعاتى , من المشاهدة للاشتراك بالقناة للأهم من ده وهو التفاعل وكم الأسئلة اللى وضحت لى انى على الطريق الصحيح.
كل ده شجعنى على الاستمرار , وكل ما أتأخر عن حلقة لأى سبب كان تشجيع الأصدقاء والمتابعين بيحفزنى أكمل
أيضا من الأسباب اللى شجعتنى آخد القرار ده ان البزنس و التسويق كانوا بعيدين تماما عن مجال دراستى لأنى خريج طب , ودراسة الطب أبعد ماتكون عن أنها تؤهلك للبزنس . لكن لما غيرت مجال عملى أول مرة من عشرين سنة واتجهت للمبيعات والتسويق اكتشفت انى محتاج أعرف حاجات كتيرة علشان أقدر أنجح فى المجال الجديد ده و بطبيعة الحال بحثت عن دراسة أو شهادة تؤهلنى لمجالى الجديد , ولقيت المتاح غالبا شهادة ماجستير ادارة الأعمال , و شهادات تانية للممارسين يعنى ليست شهادات أكاديمية . و درست فعلا و حصلت على شهادة لكن حسيت ان فيه حاجة ناقصة..
حسيت ان الدراسة فى وادى واللى بيقابلنى فى شغلى فى وادى تانى . و لقيت انك لازم تمر بتجارب كتيرة فى شغلك وتتعلم من كل تجربة حاجة صغيرة أو كبيرة و بعدين تبدأ تطبق اللى اتعلمته ده فى شغلك , وهكذا تبدأ تبنى خبرتك . و طبعا ده معناه انك لكى تبنى الخبرة دى انت محتاج لسنين طويلة , وده اللى حصل معايا , عشرين سنة تقريبا من ممارسة البزنس , و هنا فكرت هل فيه طريقة لتوفير العمر و الجهد ده على كل الناس المجتهدة مثلك اللى عايزين ينجحوا و محتاجين حد ياخد بايدهم و يوجههم للطريق الصح , محتاجين لحد يوفر عليهم الأخطاء اللى ممكن يقعوا فيها ,
شهادات أعتز بيها
تعليقاتكم و تشجيعكم هما الحافز الحقيقى اللى بيشجعنى على الاستمرار . و أى لحظة باحس انى مشغول أوالتزاماتى ناحية شركتى بتقول لى أجل الحلقة دى المرة دى بالاقى أكتر من تعليق منكم يقول لى كمل
اشكرك جدا . محتوى راقي ومفيد اتمنالك كل التوفيق والصحه
سارة العلى
من أصدقاء القناة
الشكر لك دكتورنا واستاذنا الغالي ، دروسك مفيدة وعلمك ينتفع به فلا خير في علم لا ينتفع به
Almadih M
من أصدقاء القناة
Shrif Elnady
من أصدقاء القناة
اسمح لى أساعدك
فيه أكتر من طريقة ممكن أساعدك بيها . صحيح فى البداية كل شىء هيعتمد عليك وعلى مجهودك , لكن كل واحد مننا بيكون محتاج لحد مر بنفس التجربة قبله و عنده الخبرة المطلوبة اللى تؤهله يقول له على أنسب حاجة و أقصر طريق للنجاح
ممكن أساعدك من خلال محاضرة أمام فريق العمل
سواء المبيعات أو التسويق أو ادارة البزنس بشكل عام , ممكن أقدم المحاضرة المناسبة التى تلبى احتياجات شركتك و تعطى فريق العمل المعلومات العملية التى يحتاجونها بصورة مبسطة ومفهومة مهما كان مستواهم التعليمى و خلفيتهم العملية
يمكننى أن أساعدك من خلال دورة تدريبية
سواء وجها لوجه أو أونلاين , يمكنك أن تجد المعلومة المطلوبة و الحل المناسب لاحتياجاتك من خلال الدورات التدريبية التى أقدمها